AngelOfMercy
نجم منتديات المزاريطة
المزاج :  الجنسية :  الجنس :  تاريخ التسجيل : 05/08/2010
عدد المساهمات : 804
mms : 
 |  موضوع: اولاد ولا بنات  الأحد 29 أغسطس 2010 - 5:47 | |
| بسم الله الرحمن الرحيم
رجالة دول ولا ستات ؟؟
جلس سعيد فى محطة الباص منتظرا ان يصل الباص الذى يقله الى بيته
حيث كانت الباصات تاتى الواحد تلو الاخر
ويصعد اليها الناس وينزل منها اخرون
وسعيد يراقب اشكالهم من حوله.
اكثر ما اثار تعجبه هو منظر الشباب والفتايات والملابس الغريبه التى يرتدونها
التفت الى الشخص الواقف جنبه وقال:
- سبحان الله يا اخى الواحد مبقاش عارف مين البنت ومين الشاب اليومين دول
رد عليه جاره ببرود:
* اه والله دى بقت حاجة تحير
-تصور حضرتك ان البنت من دول بقت تقص شعرها زى الصبيان
وتلبس بنطلون وفى ايديها سيجارة ولا اجدعها شاب
· صحيح يا فندم صحيح
- والشاب من دول يبقى مطول شعره وشايل حواجبه ومش ناقصه غير
انه يلبس فستان علشان يبقى ما شاء الله عروسة
· لا حول ولا قوة الا بالله
-طيب فين رقابة الاهل؟
فين الارشاد والنصح؟
فين المجتمع؟
· حد عارف خليها على الله.
-والفضائيات ليل نهار فيديو كليبات لمطربين ومطربات محدش عارف ليهم جنس ولا لون من هدوم
* يسلم بقك كلامك دهب
-وغير كده التلفزيونات بتعرض مسلسلات اجنبية وعربية كلها مياعة
ومسخرة والممثلين فيها كل واحد فيهم
مدلع زى البنات واكتر
· صحيح انا معاك 100%
-ومن ناحية تانية التطرف والارهاب بيجذب الشباب
ويخليهم يدمروا المجتمع اللى عايشين فيه باسم الدين
يعنى الشباب محاصرين من جهتين
الميوعة والانحلال والفساد من جهه
والارهاب والتطرف من جهه تانية
· ينصر دينك كلامك ده لازم يتكتب بمية الدهب
-لا يا فندم مش للدرجه دى انا بس مواطن غلبان
ويعز عليا اشوف الشباب اللى احنا معتمدين عليهم لبناء المستقبل يبقو هايفين وميعين بالشكل ده
ولا البنات بنات دول ولا صبيان ؟ طيب دول هيتجوزوا ازاى؟ ويفتحوا بيوت ازاى ؟
وياترى بالميوعه دى هيقدروا يتحملو مصايب الدنيا دى زى ما احنا مستحملين؟
· الله اعلم يافندم
وهنا راى سعيد من بعيد شاب او فتاه بنفس الملابس العجيبة
والتسريحة الغريبة والمشية التى لا تشبه مشية رجال ولا نساء
يتجه نحوهم فاشار سعيد الى جهته وقال لجاره :
- بص شوف بالله عليك بقى المخلوق العجيب ده ولد ولا بنت؟؟
وهنا اجاب جاره بهدوء:
· دى بنت يا فندم !!
- وانت عرفت ازاى انها بنت؟ لا الهدوم هدوم بنات ولا الشعر
· علشان دى بنتى يا فندم واحنا متفقين نتقابل هنا
احس سعيد بالحرج الشديد واحمر وجهه خجلا
وقال بصوت متلعثم :
-معلش يافندم حقك عليا
حضرتك متزعلش منى لو انا اعرف انك ابوها مكنتش قولت الكلام ده
· حصل خير بس على فكرة انت غلط غلطة تانيه
- ازاى؟
*انا مش ابوها
انا امها !!!!!
طار عقل سعيد وقفز فى اول باص امامه هربا من الموقف
مع علمه بان الباص يذهب فى الاتجاه الغير صحيح ّ!!
(شر البلية ما يضحك) |
|
