المقادير
-----
1كوب ارز
1كيلو لبن
باكو فانيليا
1/2باكو نشا لو العلبة كبيرة
2ملعقة كريم شانتيه بودر
1/2 كيلو سكر
قرفة ومكسرات وجوز هند مطحونين مع بعض

الطريقة
----
ننقى الرز كويس ونغسله وننقعه فى المية 1/2 ساعة
ونحط حلة على النار وفيها 2 كوب مية ونسيبها تسخن
وبعدين نسقط الرز ونسيبه يستوى على نار متوسطة لحد ما يستوى شوية
وقبل المية ما تتشرب على الاخر من الرز نحط اللبن وعليه الفانيليا ونقلب كويس
ومش مهم اللبن يكون مغلى لأنه كدة كدة هيغلى على النار
نسيب الرز يستوى فى اللبن لحد ما يطرى خالص وبعدين نحط السكر ونقلبه كويس
ونجيب 1/2 كوب مية وندوب فيه النشا والكريم شانتيه البودر على البارد
وبعد كدة نحطهم فى الحلة مع الرز بلبن ونقلب بسرعة
نفضل نقلب لحد ما نحس ان اللبن تقل ونطفى النار
على فكرة اللبن موش هيبقى جامد اوى لا دا هيبقى سايل شوية ودا احسن
وحتحسوا ان النشا لما يقل يكون احسن عشان الرز اصلا هينزل النشا بتاعه
وكمان الكريم شانتيه هيديلوا تقل شوية وهيخلى طعمه روعة
ونغرف علطول فى اطباق صغيرة ونرش على الوجه الخليط اللى طحناه
القرفة والمكسرات وجوز الهند وبعدين لما يبرد نحطه فى الثلاجة
ولما نييجى نقدمه نحط عليه معلقة قشطة من اللى بنطلعها من اللبن
او ممكن نحط عليه ايس كريم فانيليا بس


وهتدوقوا احلى رز بلبن والله كل اللى بياكلو عندى بيقولى احلى من
اللى بناكله برة فى محلات الايس كريم
بالهنا والشفا

ههههههههههههههههههه جريتى رقى ياايمى وربنا نفسى فيه موووووووووووووووووت واختك استاذه فى عمايل الرز بالبن بس مغير قرقفه مبحبهاش بالعند فيكى هعمله انا بموووووووووووووووووووت فيه وبقالى كام يوم جاى على بالى بس مكسله ان شاء الله اعمله برضه خلاص انا اخدت القرار
تسلم ايدك ياقمر

ميرسي ياسمر يا حبيبتي علي المشاركه