.
...
.
زميلنا قرر انه يطلب من مامته فلوس علشان يشحن ولكن



للاسف باباه حالف علي مامته لا تديله فلوس ولاحتى تحولو رصيد



فقرر انه يتصل بتيته علشان يطلب منها فلوس وكان الحوار كالتالي





هو : إزيك يا ستى .



هى : بنتى .. إيه بنتى دى يا قليل الأدب .



هو : يا ستى بقولك إززززززززززيك يا ستتتتتتتتتتتتى .



هى : أنت بتزعق ليه يا واد أنت أنا بافتكر بتقول بنتى .



هو : بتفتكرى إيه !! هو أنتى يا ستي حتى بتفتكرى إسمك .



هى : جسمك .. ماله جسمى يا قليل الأدب .



هو : يا ستى إرحمينا شويه بقي وشيلى الزلط اللى فى ودانك .



هى : قدامك !؟ هو إيه اللى قدامى يا واد أنت .



هو : يووووووووووووه يادى النيله .



هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .



هو : لاحول ولا قوة الا بالله هو حد جاب سيرة البليله يا ناس .



هى : القلقاس !؟ أه بأحب القلقاس أهو كله نعمة ربنا .



هو : يا ستى ابوس ايديكي أرحميني أنا لا جيبت سيرة قلقاس ولا أناناس .



هى : لأ لأ لأ عيب يا بنى ..عيب لما تجيب فى سيرة الناس .



هو : يا ستى هو أنا جيبت في سيرة حد .



هى : أه يوم الحد كان إمبارح بس والله يا بنى ما أنا فاكره النهارده إيه!!؟ يكونش النهاردة الجمعه يا واد .



هو : لا يا ستى النهارده الخميس .



هى : البوليس!! وعايز منك أيه البوليس إنت عملت إيه يا منيل على عينك؟



هو : يييييه بقولك إيه يا ستى نفضى ودانك وطرطقيهم كده وإسمعينى .



هى : رضعينى !! أرضعك إيه ياواد أما إنك قليل الأدب صحيح .



هو : يا ستى أنا إتفطمت من زمان الحمد لله بس عايز منك قرشين كده سلف .



هى : علف !! إنت بتربى بهايم يا واد ؟؟



هو : يا ستى بقولك سلف !! سلفينى خمسين جنيه عايز أشحن التليفون .



هى : اوكازيون!! فين الاوكازيون دا ياواد؟ .



هو : يا ستى حرام عليكى الرحمة حلوة برضه أبوس ايد اللى خلفونى عايز خمسين جنيه سلف علشان أشحن .



هى : أشتم !! وكمان عايز تشتم يا قليل الأدب .



هو : بقى كده يا ستى طب ماشى خدي عندك بقا !! بقولك إيه يا ستى .



هى : وظيفتى .. وظيفة إيه يا بنى أنا طالعه علي المعاش من زمان .



هو : رمان إنتى عايزه يا ستى تاكلى رمان .



هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .



هو : أه العبور !! أه ده كان سنة تلاته وسبعين .



هى : سامعين ؟؟ سامعين إيه خير الله إما إجعله خير هو فيه حاجه .



هو : بتقولي ايه يا ستى ..عايزة قهوة سادة .



هى : عياده ..عايز تودينى العيادة ليه يا بنى هو أنا عيانه .



هو : صقعانه .. صقعانه ليه بس يا ستى دا حتى الجو النهاردة حر .



هى : كفالله الشر !! شر إيه يا بنى اللى بتقول عليه ده .



هو : بقولك إحنا على البرررررررر .



هى : أه يابنى منا عارفه الخروف ليه فرو .. وبيبقي كمان تخين .



هو : أه إبنك حسين !!..ماله إبنك حسين .



هى : العجل سمين !! أه هانجيب إن شاء الله في العيد عجل ندبحه ولازم يكون سمين .



هو : إيه يا ستي بتقولي ايه .. أسفين .. طب أسفين ليه !!



هى : عايز خمسين جنيه !! طب مش تقول كده من الأول هو أنت مكسوف منى يا واد هيهيهيهيهيهه .



هو : ياااااااااااااااااااااااه أخيرآ يا ستى الحمد لله .. هاتى بقى .



هى : أجيب إيه ؟



هو : هاتى الخمسين جنيه !!



هى : تحسين بيه .. تحسين بيه مين يا واد .



هو : يالاهووووووووووووووووووووووووى

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بجد بجد بجد بجد حاجه ترفع الضغط الحمدالله مش بطلب حاجه من ستي

ههههههههههههه جامدة

هههههههههههههههههههههههههههه حلوة

تسلموليلى يا حلوين ,,بس يا ترى لو انت مزنزق فعلا مش هتطلب منها هيا تشل اه بس الغايه تبرر الوسيله

هههههههههههههه سورى على آلتآخير يآمودى ...... بجد آنآ آتنقط وآلحمد لله ستى ودنهآ لسه كويسه وبستلف بس برضه لازم آقدم تقرير آثبآت حآله آلاول هههههههههههههههههههه ربنآ يخليهم دول بركه كبيره وآلله

توبيك ظريف يمودى تسلم آلانآمل يآقمر

عودا حميدا مجيدا سعيدا يا سوسو ويارب دايما معانا ومنورانا وسعدانا وكل حاجه فيها انا

هههههههههههههههههههههههههههههههههههههههههههههههههههههههههههههههههههههه