عارفين موضوعى ايه انا مش هطول فى المقدمة بس بجد الموضوع دا يستاهل ان احنا كلنا نحكى عارفين هو ايه الاول كل سنة وانتوا طيبين وعيد سعيد علينا وعليكم يااحلى اعضاء فى الدنيا متنسوش عديتى بقى وجمب العيدية كيلو لحمة ههههههههه عايزين نرجع بالزمان لايام ماكنا فى اولى ابتدائى واحنا لسة صغيرين كدا كانت فرحتنا بتبقى عاملة ازاى بالعيد انا هتكلم عن نفسى انا كنت بستنى العيد بفارغ الصبر كنت ابقى فرحان اوى عشان هلم فلوس وعيدية وكنت بروح مع ماما محل اللبس وتشتريلى لبس صغنون كدا على قدى وببقى فرحان اوى اوى اروح البيت اخد اللبس بتاعى واحطه على سريرى طبعا الكلام دا يوم الوقفة يوم الوقفة دا يوم لوحده غير العيد كنا نتجمع انا وولاد عمى فى بيت العيلة واحنا صغيرين ونفضل نلعب ونجرى ورا بعض والحاجات بتاعة الصغيرين دى ولما يجى بليل كل واحد يروح بيته عشان ينام عشان يقوم الفجر يروح مع باباه المسجد يصلى العيد انا اول ماكنت بروح البيت كل اخواتى كانوا بيناموا وانا كنت باخد لبسى فى حضنى على سريرى وافضل صاحى طول الليل مستنى يوم العيد مكنتش بنام من الفرحة واول مالفجر يدن اروح اجرى اتوضى والبس اللبس وببقى فرحان اوى واروح مع قرايبى المسجد ونفضل نكبر وبعد مانخلص صلاة عليكى بقى والعيديات كنت بلف على قرايبى واحد واحد ههههههههه مكنتش برحم عارفين زمان كان الواحد يفضل يلم يلم وهو صغير ممكن اخره عشرة جنيه ويبقى ايه طاير من الفرحة ويقول دى فلوس كتير اوى ومش عارف ايه دلوقتى الواحد مش بيكفيه فى العيد ولا الف جنيه اول ماالم العيدية بقى على طول اروح اشترى بيها مسدس وكورة وارجع البيت اقعد العب وكنت بحب اوى اقف اتفرج على الناس الى بيدبحوا ياااااااااااااااااه كانت ايام حلوة اوى ليت الزمان يعود يوما انا عايز كل واحد فيكم يفتح قلبه للذكريات ويقلنا على ذكريات العيد بتاعته ارجو انى مكنش طولت عليكم وعيد سعيد وكل سنة وانتو طيبين ياصن الاييييد ياصن الاييييد ماااااااااء تصدق سلخت قبل ماادبح هههههههههه
موضوع: يلا نعيد الذكريات ونرجع لايام ماكنا فى اولى ابتدائى 
الإثنين 8 نوفمبر 2010 - 12:59
