إحنا مين ؟! مالنا كده تايهين .. وعلى الحب قلوبنا بتبكى سنيين .. والجرح بقا من القريب مش من البعيد !!
ما تقولنا أنت يا زمان ولا هتفضل غامض كده وملكش أمان .. وعلى طول فى الفرح ناسينا .. وفى الحزن بس فاكرنا وكمان معزومين .. ولا مرة تسمع آهاتنا وآلامنا .. وتمسحلنا دمع العين .. ما كفاياك حيرة فينا يا زمان !!
إحنا مين ؟! فى الحياة كده ماشيين وإحنا مش عارفين إحنا مين ؟! عايشين ولا خايفين .. بنحلم ولا موهومين .. فايقين لروحنا ولا من غير خمر سكرنين !! يا ترى هنفضل كده نايمين ولا هنصحى بكره ولا بعد ما تعدى سنيين ؟!
جوانا قلب ولا حجر ؟! عندنا عقل ولا كتله من الهوى ؟!
إحنا مين ؟! حاسين بمشاعرنا ولا قتلناها بأيدنا وإحنا مش حاسين ؟! قوللنا يا نجوم السما ودلينا على الطريق .. وكفايه سنيين ماشيين ورا السراب وإحنا مش عارفين إحنا فين ؟ ولا إحنا مين ؟!
إحنا مين ؟! عمرنا راح هدر ولا القدر .. هيعوضنا يوم عنه بالملايين !! وإبتسامتنا االصافيه راحت فين ؟!
وليالينا الحلوة تاهت من إيه .. نسيناها ليه .. وقلوبنا الطيبة ماتت عشان إيه ؟!
هيا نهايتنا قربت ولا بدايتنا لسه هتبتدى ؟! ولا إيه هيحصل فينا أكتر من كده .. ده احنا كده ضعنا قوى ورخصنا قوى قوى !!
إحنا مين ؟! ضميرنا ضاع ببلاش كده ليه .. راح وماجاش .. مبيشوفناش .. من إيه !! طيب فين شواطئنا وبر الأمان .. فين أحلامنا يا بحر الحياة ضيعتها ولا شايلهنا فى صندوق اللؤلؤ والمرجان ؟!
[bإحنا مين ؟! عيونا دى ولا عيون ناس خاينين .. حبايبنا دولا ولا أعداء متخفيين .. بنحس ببعض ولا إحساسنا مات [/b]
من ملايين السنيين ؟! يا ترى دموعنا دى حقيقة ولا دموع كلها تمثيل فى تمثيل .. كلامنا ده ولا كلام مؤلفين !!
إحنا مين ؟! شكوتنا محدش بيسمعها ليه .. حتى الحضن الدافى بيهرب من قلوبنا ليه .. روحنا الجميلة إنتحرت فجأة كده ليه ؟! قد كده سؤالى صعب كتيير .. مش لقياله إجابة ولا أى تفسير ؟!
بس أنا هفضل أسأل طول السنيين .. وبصوت أعلى هسألكوا بقيتوا كده ليه ؟! وهتفوقوا أمتى يا ناس .. ده مفيش معجزة تقدر بالعمر ترجعلك ذكرياتك .. أحبابك .. أحلامك .. صدقك .. إخلاصك .. حبك .. مهما ندمت و بكيت واشتكيت .. واللى بيروح يا بشر مش ممكن تانى فى يوم يعود .. وساعتها بس هتعرفوا .. وهتندموا بس يا عينى عليكوا هتفوقوا بعد إيه !!
( إحــــنـــــا مـــيــــن )
موضوع: احنا مين ؟؟؟؟ 
الجمعة 1 أكتوبر 2010 - 17:20
