أنا يامصر حتة منك
لوسألونى يوم عنك
هقول دى أمى وأمك
ولو بعدت يوم عنك
الشوق يحدفنى لحضنك
********
بحبك على الرغم إنى
كنت عايش فى سجنك
بنوه ولاد الديابة
وحطو فيه الغلابة
وبقيتى يامصر غابة
وموال على الربابة
بيقوله المداحين
يروى العطشانين
ويزيد فينا الحنين
ونشتاق لريحة الطين
********
بحبك يابلد الشغالة
حرفيين ونا س عتالة
يغنو الهمة يا رجالة
ما تصبح يا حر عالة
********
بحبك سواقى بتدور
ترمى الشوق للبحور
وتطرح غناوى زهور
وتخلى القمر يدور
********
بحبك فى السمسمية
ونسمة فى البدرية
وفلاح فى الفجرية
يشق الأرض المروية
*********
بحبك صبية بتتغندر
ضحكتها زى السكر
وعم عطية بيكركر
ويقول شيئ ومقدر
********
بحبك نيل بيروينا
وبخيره عمال يهدينا
وعم خفاجة يقول لينا
رضاك يارب علينا
*********
بحبك غنوة فى المواويل
وضى سارح من القنديل
وع الدوار يقول قنديل
عاشق يابنات النيل
***********
بحب ترابك يحنينى
وسدك رزق بيعطينى
وطيبة دايما تخلينى
اقول بحبك يانور عينى
***********
بحبك سطر فى الكراس
يشعل دايما قلوبنا حماس
يقول العلم هوا أساس
يعلى مكانك بين الناس
**********
بحبك تاريخ عظيم ومجيد
بحبك فرحة فى يوم العيد
وبقول دايما هاييجى أكيد
ونشوف يامصر عصر جديد
نشوف أمل بيبدر خير
وخيرنا ما ياخده الغير
ونهضة ورزق علينا كتير
يمسح دمع كل فقير
حلم بحلم بيه ليلاتى
وأمل بقوله لكل خواتى
الخير جى فى الزمن الآتى
حلم نفسى أشوفه بحياتى

بحبك سطر فى الكراس
يشعل دايما قلوبنا حماس
يقول العلم هوا أساس
يعلى مكانك بين الناس


كلمات جميله

تحياتي ملاك

بحبك يا مصر

ميرسى لمرورك

مشاعر جميلة وكلمات رقيقة
وكلنا بنحب مصر ....وفعلا مصر اجمل بلد في الدنيا

يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى

قولوا لأمى متزعليش وحياتى عندك متعيطيش
قولوا لأمى متزعليش وحياتى عندك متعيطيش
قولولها معلش يا امى اموت اموت وبلادنا تعيش
امانه تبوسولى ايديها وتسلمولى على بلادى

يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى

فى جسمى نار ورصاص وحديد علمك فى ايدى واسمى شهيد
فى جسمى نار ورصاص وحديد علمك فى ايدى واسمى شهيد
بودع الدنيا وشايفك يا مصر حلوه ولبسه جديد
لأخر نفس فيا بناااادى باموت وانا بحب بلادى

يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى

طايرين ملايكة حواليا طير لحظة فراقك يا حبيبتى غير
طايرين ملايكة حواليا طير لحظة فراقك يا حبيبتى غير
همشى معاهم وهسيبك واشوف يا مصر وشك بخير
قالولى يلا ع الجنه قولتلهم الجنة بلااااادى

يابــــــــــــــــلادى يابــــــــــــــــلادى انا بحبك يا بلادى
يابــــــــــــــــلادى يابــــــــــــــــلادى انا بحبك يا بلادى

ميرسى لمشاركتك

اقتباس :

أنا يامصر حتة منك
لوسألونى يوم عنك
هقول دى أمى وأمك
ولو بعدت يوم عنك
الشوق يحدفنى لحضنك

كلمات رائعه