همسة
نجم منتديات المزاريطة
المزاج :  الجنسية :  الجنس :  تاريخ التسجيل : 14/02/2011
عدد المساهمات : 695
mms : 
 |  موضوع: بعد تنحى الريس تعالوا شوفوا احلى نكت هههههههههههه  الأربعاء 16 فبراير 2011 - 16:32 | |
| بعد تنحى الريس تعالوا شوفوا احلى نكت هههههههههههه عودة مجموعة من الأطباء السعوديون بعد إجراء عملية فصل التوأمين مبارك والكرسي بنجاح
-------------------------
حسني مبارك فكر في الرحيل إلي تونس وترشيح نفسه في انتخابات الرئاسة هناك … فخرجت الجماهير التونسية تطالب بعودة بن علي!!
——————————————–
حسني مبارك وعمر سليمان
كان ماشين في ميدان التحرير
مبارك قال هم الناس متجمعين كدا ليه هو فيه ايه..؟
رد عمر سليمان وقال متجمعين عشان يودعوك يا ريس
مبارك قال ليه هم راحين فين..؟؟
——————————————–
مبارك لعمر سليمان
ايه اخبار الشعب بعد الغلاء
قاله الشعب ماكلش زفت
قله > غلى الزفت
——————————————–
قالوا لحبيب العادلي من اين لك هذا ؟قال.هذا من فضل ربي رد الشيطان عليه و قال اه يا واطي يا ناكر الجميل
——————————————–
القذافي معلقا على الأحداث في مصر
“ياما نصحتو خليك مع شعبك مخدش بنصيحتي”
——————————————–
تم تغيير النشيد الوطني المصرى وأصبح : بلادو بلادو بلادو ….. مصر لحسني وولادو!!!!
——————————————–
بعد خشيته من اتهامه بمحاولة توريث الحكم ( القذافي يتبرأ من سيف الإسلام “دا مش ابني ولا اعرفه” )
——————————————–
مبارك طلب يترشح ثاني للرئاسة ، قالو له أنت أهبل ؟ قال : يعنى لازم الشرط ده
——————————————–
حسني مبارك راح على الصراف يسحب رصيده
طلعلوا على شاشة الصراف
كان ليك رصيد والله جبر
ماكلك يا خال روح روح
——————————————–
سواق مصر بعد سنتين :
نواز شريف للاحذيه
صالون زين العابدين للحلاقة
مخابز وتموينات حسني مبارك
القذافي للخيام وبيوت الشعر
بشار للكبة والفتوش
حريري كوفي شوب
عمر البشير لتشليح السيارات
مؤسسة بوتفليقة للجبس والرخام
——————————————–
ليبي وجد فانوس سحري
فرك .. فرك .. طلعلو القذافي
قلو
شبيك لبيك … عمرو… بين ايدك
قلو ارجع ثاني وعيب علي إذا بدي منك شي
——————————————–
بعد ما سقط مبارك
طلع مبارك في خطاب وقالهم جايلكم في إمتحانات الملحق
——————————————–
مبارك صحى مفزوع انا بحلم ولا ايه
سليمان خلعونا يا ريس
------------------------------
بيان 5 من الجيش يحمل تهديدا للمتظاهرين:
إذا لم تتركوا ميدان التحرير الان، سنعيد لكم الرئيس مبارك مرة اخري".
-------------------
أبليس شاف 3 ملايين بيصلوا في
ميدان التحرير راح مصوت وقال الله يخرب بيتك يا مبارك بقالي 30 سنة أضلل
فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين
"يسقط يسقط حسني مبارك"!
---------------
السلام الجديد بين الزعماء العرب هو "الثورة عليكم ورحمة الله وبركاته
-------------------
زين العابدين لما عرف ان
مبارك تنحى بعت رسالة لة يقوله فيها : متنساش تجيب دراع البليستيشن معاك –
رد مبارك قائلا : لا تعايرنى ولا أعايرك الشعب خالعنى وخالعك
------------------------
شهود عيان فى أروقة وزارة
التربية والتعليم أفادوا أنه تم تأجيل امتحانات الدور التانى إلى أجل غير
مسمى، معللين هذا بأن النظام سقط وعاوز وقت عشان يلحق يذاكر
--------------
عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح !
----------------
مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش !
--------------------
إعلان
وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في
إنشاء الكباري متعددة الطوابق .. والمعتقلات شديدة الوحشية.. ولديه قدرة
خاصة على التناحة .
------------------------------------------
ارجع يا ريس كنا بنهزر معاك
( الكاميرا الخفية)
---------------------------------------
واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني : حنلعب مع تونس عالنهائي .
ومن المقترح أن تفكر شركة السبكى
للانتاج السينمائئى ,أو شركة العدل جروب إنتاج فيلم تحت عنوان من العناوين
الاتية ,فضلا اختار معنا عنوان من تلك العناوين :
مبارك في الزنزانة .
يا أنا يا حسني .
الواد سليمان بتاع الرئيس .
مبارك شيكا بيكا .
إنها حقا أجندة محترمة .
خالتي أجنده .
شورت وأجندة وكاب .
بلطجية في كي جي تو .
مطب رئاسي .
اللي بالي ماشي .
اللعب مع الإخوان .
نحيني شكرا .
يادنيا ياحرامي .
حب في الدبابة .
-----------------------------
مع دخول المسرحية الكوميدية "امشي يا حسني لا مش ماشي" موسمها الثلاثين بنجاح ساحق.
----------------------------
ايضاً اجمد الايفهات والافشات عن حسنى مبارك ونكت ثورة الشعب المصرى..
(حسني مبارك "آسف على
الازعاج" انت عملت أكبر "مطب صناعي" في تاريخ مصر والله إنت "وش إجرام"
وطول عمرك "دبور" ودلوقتي معاك "زهايمر" باختصار إنت " محترم إلا ربع" كل
الشعب بقى ينادي "جعلتني مجرمًا" وعملت الحلو "عسل إسود" ومن السجون
"العيال هربت" سرقت من عيونا " الفرح" إنت فاكر مصر "كباريه" وعامل فيها
"الزعيم" وكنا نقول يا عم عديها "حين ميسـره... " "ليه.. يا دنيا" "هي
فوضى" باختصار حسني مبارك . "طير إنت") . |
|
