ايه يا بنتي في ايه
والله يا سمر الحب ده احلي حاجة في الوجود مع اننا احيانا بننجرح من اللي بنحبهم بس قلوبنا من غير حب ضايعة محتارة وبكرة ياسمر لما تحبي هتعرفي معني الحب بجد وازاي بتكرهييه زي ما بتقولي وانتي مجربتهوش الحب ده احلي حاجة في الوجود هو اللي بيدي لحياتنا معني وهتلاقي ياسمر اكتر الناس سعادة هم اللي عايشين الحب والله بجد ده راي بجد وانا عن نفسي ضايعة من غير حب وبتمني احب واتحب علشان اعيش الفرحة وقلبي يرتاح

الحب: هو دفء القلوب والنغمه التي
يعزفها المحبين على اوتار الفرح وشمعه
الوجود وهو سلاسل وقيود ومع ذلك
يحتاجه الكبير قبل الصغير الحب
لايولد بل يخترق العيون كالبرق
الخاطف!!!!

الحب شوعور راقى الحب احساس مش مجرد نقوله فى كلمه يمكن يكون فى بعض التعب لاكن الحب زى مقالت امانى دف القلوب ولازم لما نحب نحب بجد ويكون الحب على اساس سليم عشان نحس بيه صح لاكن لو حبينا من غير ميكون فى اساس اكيد هايقع وينجرح الحب شعور ياسمر واحساس جميل يمكن فيه تعب شويه لاكن حلوته تهون تعبه انتى بنيتى رايك ازى وكرهتيه ليه وبعدين طلما فيه كره يبقى العكس ايه غير الحب ياعنى فيه حاجه اسمها حب
لو ليا الحق كنت هاسالك واقولك كرهتيه ليه
الحب هو اللى بيحلى الايام ويدى طعم لدنيا
طولت عليكى تقبلى مرورى

معاكي ياسمر انا اكيد هحب جوزي اكبر حب في الدنيا كلها وده حقه عليا طبعا وعمري ما هكون انانية معاه ومش علشان قلبي مكسور يبقي هظلمه لا طبعا لا والله بجد انا بتمني احب انسان ويكون هو جوزي وعمري وكل حياتي

emy كتب:

معاكي ياسمر انا اكيد هحب جوزي اكبر حب في الدنيا كلها وده حقه عليا طبعا وعمري ما هكون انانية معاه ومش علشان قلبي مكسور يبقي هظلمه لا طبعا لا والله بجد انا بتمني احب انسان ويكون هو جوزي وعمري وكل حياتي

يارب تقالبلى الشخص ده اتمنالك التوفيق من كل قلبى ياقمر بس ابقى قابليلى ههههههههههههههههههه

نادر اوى لما بيحصل اللى انتى بتقولى عليه ده ولا انتى غاويه تعب قلب

بجد ربنا يوفقك وتلاقى اللى يريح قلبك وعقلك

يااااااااااااااارب ياسمر وانتي كمان تلاقي اللي يريح قلبك
انا هخلي عندي امل اني الاقي الانسان ده بجد لاني محتاجاله اوووووووووي

ايوه ياسمر الحب هو دف القلوب الدنيا من غير حب ملهاش لازمه مش هاتبقى دنيا
لان الحب هى كل شى
لازم نحب عشان نعيش لازم نحب عشان نعرف نكلم بعض لو مفيش حب الام هاترمى ولادها لو مفيش حب الاب مش هايربى ولاده لو مفيش حب الاخ والاخت هايكرهو بعض
لازم نحب يبقى عايشين الحب هو الحياه الحب هو حنان ام على ابنها هو حضن اب لولاده الحب هو كله طيب بين اتنين حتى لو ميعرفوش بعض
لو مفيش حب يبقى احنا فى غابه اللى يقدر ميرحمش لان الحب رحمه فكرى ياسمر فى كلامك
وطولت عليكى وربنا يسعدك

emy كتب:

يااااااااااااااارب ياسمر وانتي كمان تلاقي اللي يريح قلبك
انا هخلي عندي امل اني الاقي الانسان ده بجد لاني محتاجاله اوووووووووي

ميرسى ياحببتى يارب الامل فى ربنا دايما موجود

اتمنالك التوفيق برضه

يارب واتمني ان كلنا ربنا يوقفنا مع اللي بنحبهم او هنحبهم
نفسي اشوفك وانتي بتحبي هيبقي ده بردوا كلامك لما نشوف ههههههههه

نور كتب:

ايوه ياسمر الحب هو دف القلوب الدنيا من غير حب ملهاش لازمه مش هاتبقى دنيا
لان الحب هى كل شى
لازم نحب عشان نعيش لازم نحب عشان نعرف نكلم بعض لو مفيش حب الام هاترمى ولادها لو مفيش حب الاب مش هايربى ولاده لو مفيش حب الاخ والاخت هايكرهو بعض
لازم نحب يبقى عايشين الحب هو الحياه الحب هو حنان ام على ابنها هو حضن اب لولاده الحب هو كله طيب بين اتنين حتى لو ميعرفوش بعض
لو مفيش حب يبقى احنا فى غابه اللى يقدر ميرحمش لان الحب رحمه فكرى ياسمر فى كلامك
وطولت عليكى وربنا يسعدك

الحب ده حب الام وحب الاب حب الاخوه دى غريزه من عند ربنا يابنى الحب فى الله اسمى معانى الحب الحب فى الله ما اعلى سماه

هى الدنيا اصلا غابه ههههههههههههههه ولا انت مش شايف كده

انت مطولتش ولا حاجه بالعكس انا سعيده جدا بالمناقشه واختلاف الراى لا يفسد للود قضيه

الحب اللى بحق وحقيق هو الجواز ولا مفيش غيره ده الحاجه الوحيده اللى الحب يتضمن بيها

ميرسى اوى لاهتمامك

emy كتب:

يارب واتمني ان كلنا ربنا يوقفنا مع اللي بنحبهم او هنحبهم
نفسي اشوفك وانتي بتحبي هيبقي ده بردوا كلامك لما نشوف ههههههههه

ههههههههههههههههههه هيتغير طبعا لانى ساعتها هكون حبيت الحب المضمون بتاع الكوشه والفستان الابيض ده

تسمعى عنه طبعا هههههههههههههههههههه

تسلمى ياقمر بجد سعيده بالنقاش معاكى ويارب افرح فيكى قريب بس لو قبلى هقتلك ههههههههههههههه

بس بس بس انا جيت هديكم المفيد ولو انا غلطان حد يقلى انت غلطان ويوضحلى غلطى

الحب دى فطرة احنا اتفطرنا عليها والدليل على كدا اننا من صغرنا بنكبر بنجب ابونا وامنا ودا من غير ماحد يقولنا وكمان مفطورين على حب الله وحب الرسول واتحدى اى واحد فى الدنيا دى يقول انا مش فى قلبى حب انا هديكم موضوع بسيط قرأته عن الحب وقليلى كلامى غلط ولا لا ياسمر


الحـب في الإســلام




ما معلوماتك عن الإسلام؟



الويكبيديا تعرفه بأنه: الانقياد التام للخالق بالتوحيد والانقياد له بالطاعة والبراءة من الشرك وأهله. فهو تسليم كامل من الإنسان لله تعالى في كل شئون حياته


ونحن كلنا نعرف وتربينا وكبرنا على أن الإسلام يضم بين دفتيه كل معاني الدنيا الراقية والسامية من إخلاص وتسامح وتقارب وألفة وسكن ومودة و...حب


إذن الإسلام قائم على الحب ويدعو إلى الحب..


***********


لكن أي حب هذا؟




علماء الدين يقسمون الحب في الإسلام إلى أكثر من نوع


أولها وأعظما بالطبع هو "الحب الإلهي" وهو بدوره ينقسم إلى نوعين


الأول هو محبه الله تعالى لعباده من خلال نعمه عليهم وإكرامه لهم وتوفيقه إياهم في أعمال الخير والصلاح لهم ولدينهم ولوطنهم


والثاني فيتمثل في محبة العباد لله سبحانه وتعالى والتقرب إليه والولاء لدينه والمحافظة على شرعه والتدبر في خلقه وصنعه وتنفيذ ما أمرنا به من فعل للعمل الطيب وابتعادا عن العمل الشرير


أما النوع الثاني من الحب في الإسلام فهو "حب النبي" عليه الصلاة والسلام، وذلك يتأتى بأن تقتدي بشخصه الكريم في كل أفعالك وتصرفاتك وأن تسير على نهجه وتتبع سيرته وسنته مخلصا ومحبا


وهناك أيضا حب ثالث في الإسلام وهو "الحب في الله" وهو الذي يحدث بين ناس لا تجمعهم مصلحة فيتبادلون النصح والمحبة والإخلاص لوجه الله تعالى دون انتظار أي مكافأة دنيوية لأفعالهم سوى أن يبادلهم الآخرون هذا الحب الخالص لوجه الله تعالى


وهذا النوع الأخير من الحب يحدث بين الرجال وبعضهم البعض وبين النساء وبعضهن البعض ويحدث أيضا بين الرجال والنساء معا.. هذا هو الحب الذي يجمع بين قلبين فيقرب ما بينهما ويمتزجان معا وكأن كل واحد منهما هو نصف متمم ومكمل للآخر.. ليكون السؤال هل هذا الحب الذي يجمع ما بين شاب وفتاة هو حب يتفق مع الإسلام؟


الإجابة المنطقية والفورية وربما الصادمة: طبعا.. أكيد


***********


الحب.. أساس الوجود




مندهش وغير مصدق لما نقول؟


اقرأ ما كتبه د.محمد المسير أستاذ العقيدة والفلسفة بكلية أصول الدين بجامعة الأزهر في كتابه "الحب والجمال والإسلام" فهو يصف الحب الذي يجمع بين الرجل والمرأة بأنه "الحب الذي بدأت به الحياة البشرية مضيفا أنه هو أساس الوجود وذلك استنادا لأن الله عز وجل قد خلق "آدم وحواء" وأسكنهما الجنة ثم أهبطهما الأرض لتنتشر الذرية من بعد ذلك


تريد دليلا آخر.. إليك الحديث النبوي الشريف الذي روي فيه عن سيدنا محمد عليه الصلاة والسلام قوله: حُبـِّبَ إليّ النساء، والطيب وجُعِلتْ قرةُّ عيني في الصلاة
لاحظ هنا أنه "حب النساء" الطاهر الشريف جاء في مقدمة الحديث ليؤكد لنا رسولنا الكريم أن الشعور بالميل والانجذاب نحو النساء وبالعكس هو أمر فطري وطبيعي يؤيده الإسلام ورسوله شريطة أن يكون في الإطار الشرعي لذلك، وهو الزواج بطبيعة الحال


وعلماء الدين استقروا على قاعدة فقهية مهمة وهو أنه لا حكم شرعي فيما استقر في القلب وإنما الحكم يتعلق بآثار ذلك الشعور وما يترتب عليه من حلال وحرام.. هو ذات القاعدة المطبقة تماما على الحب بين الرجل والمرأة


فالحب -بمعنى ما استقر في القلب من شعور معين نحو فتاة أو شاب- لا يتعلق به حكم شرعي لأنه مكنون في صدر الشخص، وإنما ما يتعلق به الحكم هو نتيجة هذا الحب الساكن في الفؤاد فلو أخذت هذه المشاعر طريقها السوي الصحيح فنمت وكبرت في إطار شرعي علني يحيط به الأهل ويتوج في النهاية بالزواج فهذا أمر لا غبار عليه ولا يستطيع أحد أن يصفه بالحب الحرام


فالله قد رفع الحرج عن عباده فيما هو بداخل النفس، بشرط ألاّ يؤدي إلى معصية، وهو ما يعني أن شعور الحب الذي يهاجم أي واحد منا لا شبهة حرام فيه مطلقا بشرط أن يتبع هذا استكماله بالزواج أما إذا أخذ طرقا أخرى غير ذلك -وهي لا تغيب عن الكثيرين- فلا يمكننا أن نصفه بالحب أصلا


***********


حب الرسول.. وحب أبي بكر




كتب السيرة والصحابة والتابعين فيها من الروايات والقصص التي تؤكد أن الإسلام يراعي ويحافظ على الحب بين الرجل والمرأة، بل ويعظم كثيرا هذه المشاعر النقية الخالصة وهي في صورتها الأصلية الخالية من أي تلوث قد يضيقه عليها البشر بأفعالهم وسلوكياتهم


ولنا في رسول الله أسوة حسنة، فبرغم كل أعبائه ورغم تحمله لرسالة سماوية جليلة فإنه لم يجد حرجا في أن يلاطف زوجته السيدة عائشة بل كان يضحك معها ويتودد إليها ولم يجد حرجا عندما سُئل عليه الصلاة والسلام: من أحبّ الناس إليك؟ في أن يقول: عائشة
قيل: فمن الرجال؟ قال: أبوها


وهناك رواية جاءت في الصحيحين "البخاري ومسلم" ورغم ذلك لا يعرفها كثيرون وهي تؤكد رعاية الإسلام ورسوله الكريم واحترامها لمشاعر الحب.. والرواية تقول بأن "خنساء بنت خدام" زوَّجها أبوها رجلا فكرهت ذلك وجاءت إلى النبي عليه الصلاة والسلام لتقول له: إن أبي أنكحني أي زوّجني وإنّ عم ولدي أحن إليّ


أي أنها ترى أن أخا زوجها سيكون أحنّ عليها وعلى أولادها.. ولربما كانت تحمل نحوه مشاعر طيبة إلا أن حياءها منعها من أن تبوح بذلك للرسول الكريم بشكل مباشر


ترى ماذا كان حكم الرسول العطوف عليه الصلاة والسلام؟


حَكم الرسول الكريم بألاّ تتزوج الرجل الذي اختاره أبوها لها وأن تطلق منه، ولا يرد بعد ذلك توضيح ما إذا كانت تزوجت ذات السيدة من أخي زوجها أم لا، لكن الشاهد والمؤكد في هذه الرواية أنه لا إجبار في الزواج... ولا زواج دون حب وألفة.. وهو ما يؤكد أن الحب في الإسلام مباح.. بل لعلنا لا نغالي إذا قلنا بأنه ضروري ومهم


***********


وإذا كان لنا المثال والقدوة في رسولنا الكريم فلا نجد من بعده خيرا من أبي بكر رضي الله عنه مثالا ونموذجا نتبع خطاه.. الحب ورقة المشاعر المتبادلة بين الرجل والمرأة كانت حاضرة أيضا وبقوة في هذه القصة


كان أبو بكر رضي الله عنه يمشي في أحد طرق المدينة وسمع امرأة تنشد وهي تطحن بالرحى قائلة
وهـــويته من قبل قطع تمائمي
متـــمايساً مثل القضـيب الناعم
وكأن نور البدر سُنَّـة وجــهـــــه
ينمي ويصعد في ذؤابة هاشــم


كانت تغني بألم وحرقة ويعلو صوتها بالبكاء.. رقّ لها قلب خليفة المسلمين أبي بكر الصديق فدقّ عليها الباب.. ولما خرجت إليه قال لها: أحرة أنت أم مملوكة؟
فقالت: بل مملوكة يا خليفة رسول الله
سألها عمن تغني وتنشد له: من هويت؟
فبكت ثم قالت: بحق الله عليك اتركني وشأني.. لكن أبا بكر -رضي الله عنه- ألح في طلبه وقال لها إنه لن يترك المكان حتى تخبره: لا أريم أو تعلميني


فقالت
وأنا التي لعب الغرام بقــلبها
فبكت لحب محمد بن القاسم


فلما علم منها أبو بكر الصديق اسم الشخص الذي تهيم به ذهب إلى المسجد وبعث إلى مولاها فاشتراها منه ليعتقها.. ثم بعث إلى محمد بن القاسم بن جعفر بن أبي طالب وقال: هؤلاء فِتَنُ الرجال.. وكم مات بهن من كريم، وعطب عليهن من سليم


أرأيت؟




المرأة باحت بحبها ولم تخجل منه وإن فعلت ذلك في إطار خلوق ومهذب ويتماشى مع المسموح به في صدر الإسلام


وماذا فعل "أبو بكر"؟


لم ينهرها أو يعنفها وإنما تقبل مشاعرها الرقيقة هذه وسعى -بعد أن عتقها- إلى أن يزوجها بمن تحب ويحبها


هذا هو الإسلام.. وهذا هو الحب الذي يعيش في ظلاله.. فمن يستطيع أن يفعل مثل هذا


كل الى عايز اقوله ان الحب دا شئ جميل والدليل على كدا ان ربنا فطرنا عليه الحب شئ نقى بس احنا الى بنوسخه احنا الى بأيدينا نخلى الحب دا انقى شئ فى الوجود واحنا الى فى ايدينا نخليه اسوء شئ قليلى بقى ياسمر الحب خداع وكذب زى مابتقولى لو الحب خداع وكذب يبقى حبنا لله وللرسول ولامنا وابونا دا كذب وخداع برده ومتقلليش الحب انواع الحب كله واحد بس احنا الى بأيدينا بنخلى الحب الم وخداع وكذب بس هو دا رأيي معلش طولت عليكم

محمد كلامك رائع وجميل اوى بس ده مش قصدى

انا بقصد حب اليومين دول الحب الطيارى اللى مبنى على الكدب والغش والخداع سواء

من البنت ولا الولد واظن انك برضه انكويت بالنار دى

طيب والاسلام قال ان البنت والولد يحبو بعض ويقابلو بعض وبعد كده الولد يقولها باى مع السلامه

انا مش هرتبط بواحده سورى فى اللفظ مشيت معاها الكلمه دى سمعتها كتير فلان ماشى مع علانه

علانه ماشيه مع فلان هو ده اللى بنسمعو كل يوم الحب له معانى اسمى واطهر من كده

الحب غريزه موجوده جوانا كلنا بس الناس بتستخدمها غلط وده ميبقاش اسمه حب صح

الحب انواعه كتيررررررررر اوى اوى تعددت الاسباب والحب واحد

الحب كله واحد بس احنا الى بأيدينا بنخلى الحب الم وخداع وكذب بالظبط كده يامحمد زى

مقلت هو ده اللى انا بتكلم فيه

انت مطولتش ولا حاجه ميرسى جدا جدا على الاضافه الجيله اوى دى

نورت صفحتى بمرورك العطر

شفتى طلعتى مؤيدانى فى الاخر ان الحب احنا الى بنشوهه بايدينا بصراحة التوبيك رائع وتسلم ايديكى

لان ده هو اللى قصدته فعلا لما نزلت التوبيك ربنا يحفظنا ويعفنا جميا يارب

وبجد سعيده جدا جدا من روح المنافسه اللى فرضها علينا الموضوع واتمنى ان كل مواضيع

النقاش تبقى كده والكل يشارك برايه عشان الكل يستفيد

وبرضه ياجماعه خليكو فى الحب المضمون ميرسى لكل عضو شارك وترك بصمه فى صفحتى

بشكركم اوى اوى وبحبكم كلكم فى الله

شفتى فى الاخر قلتى ايه بحبكم كلكم والله هههههههههههههههه غلبتها غلبتها ههههه :A:

ههههههههههه عسل يامحمد والله

انتى الى عسل وقمر وسمر سكر وحلاوة هههههههههه وايس كريم

هههههههههههههههه ايه ده برضه يامحمد مفهمتنيش كويس ممكن اكون موضحتش فى المعنى صح

فى عنوان الموضوع انا اقصد مفيش حب زى اللى الشباب بيخترعوه عشان يضحكو بيه على

البنات والعكس الحب غريزه طبيعيه خلقها الخالق جوه كل واحد فينا بس احنا اللى بنوسخه زى

مقلت ياحماده

وبرضه هقول تانى الحب فى الله اسمى انواع الحب ... الحب فى الله مااعلى سماه

هههههههههههههههه غلبتنى ماشى ياعم اللعيب فين ياد الايس كريم انا بحبه اوى ههههههههههههه

شوفت بحبه اهو تانى انا مؤمنه بالحب الطاهر الشريف غير كده نو نو نو تلاته نو

ولا انتو رايكو ايه لسه فى مجال للنقاش واتمنى المشاركه من الاعضاء اللى لسه

مشاركوناش بأراهم وما زالت الخناقه مستمره ياايمى هههههههههههههههه

بحبكم فى الله

مفيش حاجة اسمها حب

لا يوجد شئ في الدنيا اسمه حب

فيه مصلحة

فيه كدب

فيه خيانه

فيه وجع و الم

فيه ضياع

لكن مفيش حب

كله كدب في كدب

مفيش حد بيعرف يحب

و لسه نتقولوا كلام في الحب

هو فين الحب؟؟؟؟؟؟؟؟؟

الحب مالوش مكان في الزمن اللي احنا عايشينه


امبارح كان قريب و انهارده بيقول عليا عدوة و بيكرهني

عشان عرف اني حبيته

الحب = كره

بس فيه حاجه اسمها امل وتفاؤل ممكن تكون نسبهم

ضعيفه بس فى نسبه وممكن نتمسك بيها ونحاول نزودها

وفى مقوله او مثل قديم بيقول

صوابع اديك مش زى بعضها

ولو الواحد فكر فى الجرح الى انجرحه يبقى احنا مش هنعرف نعيش

ولا حتى نحس باى حاجه خالص ويبقى من الاحسن لنا

ان احنا نموت احسن
ومهما صرخت مش هيسمع
يوجد حب في كل زمان ومكان
ولكن توجد قلوب هي اصلا ليست صالحة للحب
وهنا الفرق واضح وجلي فالحب واحد لكن القلوب مختلفة
فمنها من عرفت الحب ولامستة بجوارحها وشعورها وعاشتة واقعا
ومنها قلوب لم تعرف الحب يوما لكنها تتظاهر بالحب وتنتحل شخصية القلب المحب

ليه التشائم ده ياقمر لا والله صدقيني في حب امال احنا ازاي عايشين

حتى دموع الورد متشائمة من موضوع الحب دا على فكرة ياسمر هو دا الى انا قصدته برده ان الحب شئ جميل بس احنا الى بنوسخه

دموع الورد حببتى اخيرا لقيت حد ينصفنى يابنتى دو هاجمونى وكان فى ضرب نار هههههههههههه

تسلمى ياقمر نورت صفحتى بمرورك العطر