1) متى تشعر أنك أقوى من الجميع ...؟؟

انا انسان عادى ومها كنت قوى اكيد الى فى اقوى منى ولا انا اقوى من الكل ربنا اقوى منى

2) ومتى تشعر أنك أضعف ما يكون ...؟؟

لما الاقى الخيانة جيالى من اعز الناس عليا

3) عندما تتربط بعلاقة صداقة مع فتاة معينة , وتتكلم معها في الهاتف .. تعال وضع نفسك في موقف اخر , ان يتحدث شخص اخر مع اختك مثلا , فما موقفك ...؟؟

طول مانا بثق فى اختى معنديش مشكلة لانها اكيد عندها اصحاب فى الجامعة بس المسألة كلها مسألة ثقة

4) جربت الحب ولا لغاية دلوقتي بدورعليه ...؟؟

حبيت بس متحبتش ولسة بدور علي الى يحبنى بجد

5) إذا تركتك حبيبتك هل تبادلها نفس الشي أم تستمر في التقرب منها حتى تعود اليك ...؟؟

من حبنا حبناه وصار متاعنا متاعه ومن كرهنا كرهناه يحرم علينا اجتماعه

6) عضو يستحق لقب " صديق الجميع " ...؟؟

اناااااا ههههههههه

7) لماذا إخترت إسمك المستعار ...؟؟

لان الصمت دايما حليفى فى حاجات كتيرة فى وقت الحزن والفرح بلجأ للصمت


انت حاسس ان ربنا راضى عنك ...؟؟

مش عارف بس اتمنى رضاه بجد

9)ايه رايك بكل كلمة من الكلمات دي:
1- الخيانة ..
الخيانة = الالم

2- المرأه..

المرأة = النص الحلو فى حياتنا

3- الصداقة ..

الصداقة = احلى شئ لو الصديق صدق بيكون احسن من الاخ


4- الحب ..

الحب = اجمل عذاب

10) جاوبت بصراحه على كل سؤال ...؟؟


ايون بكل صراحة


لو مش عجبك أي سؤال مش تجاوب عليه
كفايه عليك كده ....

لا اسئلتك جميلة وربنا يخليكى ولو افتكرتى حاجه ابقى جيبيها

1-مــــن انـــــــت ؟::

2- ماهو هدفك ؟

3-ماهي أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهها ؟

6-ماهي التجربه التي تتمنى تكرارها ؟

7-ماهو أفضل مكان تتردد إليه ؟

8-من هو توأم روحك ؟

9- ماهو اكثر شئ تخشاه ؟

10- مالذي يشعرك بأكثر قدر من الحرج ؟

11-شخص تحتاج لقربه الآن منك ؟؟

12-متى تغضب ؟

13-باقة ورد لمن تهديها ؟

14- باقة شوك لمن تهديها ؟

15- شخص لاترفض له طلبا ؟

16-ماهي أعظم صفة تفضلها ؟

17-وماهي اكره صفة تنبذها ؟

18-أعظم شيء فقدته ؟

19-وأعظم جرح دفنته ؟

20- اسوأ خبر سمعته ؟

21-ماذا يمثل لك الموت ؟

22-دعوه صادقه من اعماق قلبك لمن تهديها ؟

23-اوصف نفسك كما تراها ؟!

24-و اخيراً صف نفسك بكلمات بسيطة كما يراك الناس ؟؟؟؟



:قغ:

اهلن اهلن كمان اهلن حماده باشاااااااااا منورنا يافندم شوف الصدف على دخلتى انت اتورط ههههههههههه

تعالالى الالى باه

1/ انت منين ومقيم فين وليه ؟

2/ ترتيبك الكام فى اخواتك ؟

3/ انت اللى اخترت شغلك ولا ده له علاقه بدراستك ؟

4/ من خلال وجودى معاك فى السايت عرفت انك بتحب وانت لسه قايل انك متحبتش تفتكر ايه السبب
ولما انت تكون بتحب واحده مش المفروض تبادلك نفس الشعور ؟

5/ علاقتك ايه باسرتك ؟

6 / ليه فكرت انك تعمل منتدى وليه سميته الاسم ده ؟

7/ الحب بيمثل ايه فى حياتك بالرغم انك اتعزبت بسببه ؟

8/ بتعمل ايه فى وقت فراغك ؟

9/ فى تجاربك مع الحب ... الحب جه ازاى ؟

10/ امتى بتحس بالسعاده وتقول ياااااااااه مفيش حد قدى ؟

11/ مين اكتر حد فى المنتدى تحب انك تتعرف عليه اكتر ؟

12/ زى معرفت انت انسان هادى وبتحب الصمت امتى صوتك بيطلع وتقول لنفسك كفايه صمت ؟

دول شوية اساله على الماشى كده للاسف مش فاضيه دلوقتى اوعدك المره الجايه اجهزلك شويه اساله

جاااااااااااااامدين وسعيده جدا جدا انك متورط بصراحه فرحانه فيك ههههههههههههههه

وبجد توبيك جامد جدا بنتعرف من خلاله على بعض اكتر

بجد يامحمد بحييك وبرفعلك القبعه

تقبل مرورى

1-مــــن انـــــــت ؟::

انا محمد سعيد شحاته يوسف مصطفى عبد الرحمن

2- ماهو هدفك ؟

هدفى انى اوصل لاعلى المراتب فى حياتى بس كله برضا ربنا طبعا

3-ماهي أمنيتك ؟

ان ربنا يوفقنى فى حياتى وفى اخرتى

4-ماهي رؤيتك للحياة ؟

الحياة حلوة للى يفهمها ويمشى صح فيها

5-ماهي رسالتك في هذه الحياة ولمن توجهها ؟

عامل الناس كما تحب ان تعامل اوجهها لواحدة كدا فى بالى

6-ماهي التجربه التي تتمنى تكرارها ؟

اى رحلة نظمتها مع اصحابى اتمنى ان هى تتكرر تانى بجد ايام ولا احلى

7-ماهو أفضل مكان تتردد إليه ؟

البحر البحر بعشقه

8-من هو توأم روحك ؟

نور اختى فى الرضاعة

9- ماهو اكثر شئ تخشاه ؟

بكرة

10- مالذي يشعرك بأكثر قدر من الحرج ؟

ان بنت تفضل تمدح فيا فى وشى بتكسف اوى

11-شخص تحتاج لقربه الآن منك ؟؟

ماما

12-متى تغضب ؟

لما حد يتكبر عليا

13-باقة ورد لمن تهديها ؟

لكل اعضاء المنتدى

14- باقة شوك لمن تهديها ؟

مش لحد لانى اتمنى للكل الخير

15- شخص لاترفض له طلبا ؟

مفيش حد صراحة

16-ماهي أعظم صفة تفضلها ؟

التسامح والصدق والتفاهم

17-وماهي اكره صفة تنبذها ؟

الخيانة والكذب

18-أعظم شيء فقدته ؟

قلبى

19-وأعظم جرح دفنته ؟

اول حب فى حياتى

20- اسوأ خبر سمعته ؟

موت بهاء اخويا

21-ماذا يمثل لك الموت ؟

نهاية حياتى وبجد يارب يغفرلى لانى مهما عملت حاسس انى مقصر بجد

22-دعوه صادقه من اعماق قلبك لمن تهديها ؟

ربنا يخليها ليا ويسعدها يارب ويعوض عليها لاختى ياسمسن واختى نور واهلى كلهم

23-اوصف نفسك كما تراها ؟!

انسان عادى

24-و اخيراً صف نفسك بكلمات بسيطة كما يراك الناس ؟؟؟؟

طيب ومتواضع فى كل حاجه وبسيط ومزوح ومرح

ميرسي يامحمد بجد اجابتك واضحة وصريحة

اهلن اهلن كمان اهلن حماده باشاااااااااا منورنا يافندم شوف الصدف على دخلتى انت اتورط ههههههههههه

ربنا يخليكى وشكرا على السلام الحلو دا وربنا يستر

تعالالى الالى باه

انا اهو مش رايح مكان ههههه بس براحة عليا

1/ انت منين ومقيم فين وليه ؟

انا من مصر المنصورة ومقيم فىالسعوديه عشان عايش مع اهلى


2/ ترتيبك الكام فى اخواتك ؟

التانى

3/ انت اللى اخترت شغلك ولا ده له علاقه بدراستك ؟

انا لسة مشتغلتش شغال شغل مؤقت بس مش ثابت

4/ من خلال وجودى معاك فى السايت عرفت انك بتحب وانت لسه قايل انك متحبتش تفتكر ايه السبب
ولما انت تكون بتحب واحده مش المفروض تبادلك نفس الشعور ؟

دا المفروض بس انا مش عارف ايه الى حصل احتمال كان اعجاب بس وانا معجبتهاش

5/ علاقتك ايه باسرتك ؟

علاقة طبيعية زى اى حد

6 / ليه فكرت انك تعمل منتدى وليه سميته الاسم ده ؟

انا كنت مشرف فى منتدى واحد صاحبى وبعدين المنتدى قفل فقلت ليه مربش اعمل انا منتدى احتمال ينجح ويارب ينجح

7/ الحب بيمثل ايه فى حياتك بالرغم انك اتعزبت بسببه ؟

اجمل عذاب

8/ بتعمل ايه فى وقت فراغك ؟

يأما مع اصحابى يأما فى المنتدى يأما على الماسنجر او ممكن قاعد بتعلم حاجات جديدة من النت

9/ فى تجاربك مع الحب ... الحب جه ازاى ؟

تجربتين والحب جه انى كنت معجب بيهم بس احتمال انا معجبتهمش من النت على فكرة

10/ امتى بتحس بالسعاده وتقول ياااااااااه مفيش حد قدى ؟

لما بكون مع اصحابى وحاسس انهم بيحبونى اوى

11/ مين اكتر حد فى المنتدى تحب انك تتعرف عليه اكتر ؟

مفيش حد معين

12/ زى معرفت انت انسان هادى وبتحب الصمت امتى صوتك بيطلع وتقول لنفسك كفايه صمت ؟

مش معنى انى بحب الصمت يبقى انى قاعد ساكت على طول انا قلت فى فرحى وفى حزنى بلجأ للصمت مش معناه انى ساكت على طول

دول شوية اساله على الماشى كده للاسف مش فاضيه دلوقتى اوعدك المره الجايه اجهزلك شويه اساله

جاااااااااااااامدين وسعيده جدا جدا انك متورط بصراحه فرحانه فيك ههههههههههههههه

ربنا يستر منك بجد


وبجد توبيك جامد جدا بنتعرف من خلاله على بعض اكتر

بجد يامحمد بحييك وبرفعلك القبعه

تقبل مرورى


ربنا يخليكى دا من بعض ماعندكم

ربنا يخليكى دا من بعض ماعندكم ياايمى

عضو يستحق لقب " صديق الجميع " ...؟؟
اناااااا ههههههههه

والله هو انت فعلا تستحق اللقب من غير ما حد يزعل
وله ايه يا جماعة؟؟

اتمنالك التوفيق والنجاح في حياتك يا محمد

بــــــــــــــــــــــــــــــــــــــــــخ انا جيت تانى ههههههههههههه

اجابتك كويسه ..... نسال باه

1/ من امتى وانت فى السعوديه وبتنزل اجزات ولا لاء ؟

2/ تقول لمين متشكر على حاجه عملها معاك ؟

3/ مين اقرب حد ليك ولما تكلمه بتحس انك بتكلم نفسك وتبقى مطمن معاه ؟

4/ صحابك بيلقبوك بايه ؟

5/ مبسوط فى السعوديه ولا نفسك ترجع مصر ؟

6/ ايه اكبر مشكله عندك ونفسك تتحل ؟

7/ محمد هتعمل ايه فى الجيش هتنزل مصر ولا هتعمل ايه ؟

8/ انت درست ولا بتدرس ايه مؤهلك ايه ؟

9/ فى التجربتين اللى مريت بيهم كان حب بجد ولا تعود ولا اعجاب ولا ايه ؟

10/ حسيت بالظلم فى المرتين اللى حبيت فيهم ؟

11/ ممكن تعيد تجربة الحب تانى وتتعزب تانى ؟

12/ تقول ايه لاى حد جرحك ؟

13/ ياترى عملت عمره وحجيت ولا عملت ايه ؟

اسئلتى سهل وبسيطه اوى اوى شوفت كرم اكتر من كده

ملاك كتب:

عضو يستحق لقب " صديق الجميع " ...؟؟
اناااااا ههههههههه

والله هو انت فعلا تستحق اللقب من غير ما حد يزعل
وله ايه يا جماعة؟؟

اتمنالك التوفيق والنجاح في حياتك يا محمد

ربنا يخليكى ياملاك والله دا من بعض ماعندكم بس

بــــــــــــــــــــــــــــــــــــــــــخ انا جيت تانى ههههههههههههه

شكلك مش هترحمينى ياسوسو ههههه اما اشوف اخرتها ايه معاكى

اجابتك كويسه ..... نسال باه

الحمد لله انها نالت رضاكى

1/ من امتى وانت فى السعوديه وبتنزل اجزات ولا لاء ؟

انا بقال بتاع 15 سنة فى السعودية من وانا عندى خمس سنين بنزل اجازات بس كل مدة طويلة بنزل شهرين بس معرفش حاجه فى مصر

2/ تقول لمين متشكر على حاجه عملها معاك ؟

لبابا وماما على المجهود الى عملوه معايا فى حياتى عشان يخلونى مش محتاج حاجه

3/ مين اقرب حد ليك ولما تكلمه بتحس انك بتكلم نفسك وتبقى مطمن معاه ؟

نور اختى فى الرضاعة


4/ صحابك بيلقبوك بايه ؟

شوشو هههههههههه من غير تريقة بس انا عشان لقب عيلتى شحاته بينادونى يأما ياشحاته او شوشو

5/ مبسوط فى السعوديه ولا نفسك ترجع مصر ؟

نفسى اشوف مصر بجد وحشانى اوى اوى



6/ ايه اكبر مشكله عندك ونفسك تتحل ؟

حاليا الجيش مش عايز ادخل الجيش

7/ محمد هتعمل ايه فى الجيش هتنزل مصر ولا هتعمل ايه ؟

منا لسة مجاوبك فوق هههههه اكيد هنزل طبعا فى شهر تمانية الى جاى عشان اشوف موقفى ادعولى انى مدخلش


8/ انت درست ولا بتدرس ايه مؤهلك ايه ؟

مهندس شبكات اخدت دبلوم سنتين وان شاء الله ربنا يقدرنى واكمل بكالريوس


9/ فى التجربتين اللى مريت بيهم كان حب بجد ولا تعود ولا اعجاب ولا ايه ؟

الاتنين انا حبيتهم والاتنين هما الى سابونى مش عارف ليه

10/ حسيت بالظلم فى المرتين اللى حبيت فيهم ؟

اه اووووووووى انا عمرى مافكرت انى اجرحهم هما الى جرحونى

11/ ممكن تعيد تجربة الحب تانى وتتعزب تانى ؟

مش هعيدها الا لما اتأكد ان البنت دى هى الى بتحبنى مش انا الى بحبها

12/ تقول ايه لاى حد جرحك ؟

الله يسامحك

13/ ياترى عملت عمره وحجيت ولا عملت ايه ؟

عملت عمرة كتير اوى اوى بس الحج صراحة مع انى عاش فى السعودية بس لسة ربنا مش كتبلىالحج

اسئلتى سهل وبسيطه اوى اوى شوفت كرم اكتر من كده

لا والله انتى بجد كرررريمة اوى وعلى فكرة انا كنت مفكر ان الموقف دا سهل بجد موقف صعب اوى اوى

ايه اللى وقعك ياعم بتجى برجيلك يلاه بقى هانعمل ايه نصيبك كده انا شايف البنات نزلين عليك ايه مش مخلينك واخد نفسك احنا رجاله زى بعض وهاكون طيب معاك
1:انت فين فى السعوديه على فكره انا فى حى الفيحا عند المطار القديم
2: انت حبيت قبل كده صح لو قابلت اللى حبيتها دلوقتى هاتعمل ايه
3:حاسس انك اتظلمت فى حاجه معينه وايه هى
4:لو حد خانك تعمل ايه تقبل الخيانه بخيانه ولا تقول الله يسهله بصراحه
5: ايه رايك فى حب من النت وبصراحه
6:فى حاجه نقصاك ولا راضى باللى انت فيه
7:ايه رايك فى الكدب وياترى بتكدب ولا لاء
كفايه بقى كده هو افترى ولا ايه احنا رجاله زى بعض لازم يكون فى رحمه ولا ايه ههههههه
تحياتى ليك يامحمد

هههههههههههههه انا تانى

اه طبعا يانور مين يشهد للعروسه

1/ بالمناسبه يامحمد ايه حكاية نور اختك فى الرضاعه ؟؟

2/ محمد انا عانيت من الغربه كتير عشان كده بكرها الغربه بالنسبالك ايه ؟

3/ مين بيوحشك اكتر فى مصر؟

4/ محمد ممكن تغير مبدأ فى حياتك عشان ترضى حاجه جواك ؟

5/ هل انت صريح دايما ولا فى بعض الاحيان بتخفى صراحتك دى ؟

6/ هل الصداقه ممكن تتحول لحب ؟

7/ ممكن ترضى بامر انت مش حابه لان فى حد عزيز عليك حابه ؟

8/ انا لقط كام كلمه من بابا سعودى معلقين معايا وانا هنا فى مصر انت بقالك فتره كبيره فى السعدويه
لغتك اتغيرت ولا بتتكلم مصرى برضه ؟

انا مش رايقه دلوقتى لو ربنا سهل هرجع تانى كفايه عليك كده

ربنا يعينك يامحمد

ايه اللى وقعك ياعم بتجى برجيلك يلاه بقى هانعمل ايه نصيبك كده انا شايف البنات نزلين عليك ايه مش مخلينك واخد نفسك احنا رجاله زى بعض وهاكون طيب معاك

هما الى عايزين كدا وانا مش بقدر على زعلهم اعمل ايه بس يانور

1:انت فين فى السعوديه على فكره انا فى حى الفيحا عند المطار القديم

انا فى جدة حى الحمرا الى عند النافورة اكيد تعرفه تعرف الاندلس مول مهو فى المطار القديم برده لازم نتقابل يانور ابقى ابعتلى رقمك على الخاص وانا هكلمك

2: انت حبيت قبل كده صح لو قابلت اللى حبيتها دلوقتى هاتعمل ايه

مش هعمل حاجه هسلم عليها بس كأنه سلام اصدقاء عادى

3:حاسس انك اتظلمت فى حاجه معينه وايه هى

الخيانة انا معملتش حاجه تخليها تسيبنى

4:لو حد خانك تعمل ايه تقبل الخيانه بخيانه ولا تقول الله يسهله بصراحه

الله يسامحه

5: ايه رايك فى حب من النت وبصراحه

عادى اهم حاجه الاخلاص والتفاهم

6:فى حاجه نقصاك ولا راضى باللى انت فيه

الحمد لله على كل حال

7:ايه رايك فى الكدب وياترى بتكدب ولا لاء

الكدب ملوش رجلين وشئ مش حو واكيد كدبت قبل كدا انا مش ملاك


كفايه بقى كده هو افترى ولا ايه احنا رجاله زى بعض لازم يكون فى رحمه ولا ايه ههههههه
تحياتى ليك يامحمد

اه والله مفترين اوى البنات

هههههههههههههه انا تانى

البت دى مش هترحمنى اهئ اهئ اهئ

اه طبعا يانور مين يشهد للعروسه

اه طبعا مش رجالة زى بعض هههه

1/ بالمناسبه يامحمد ايه حكاية نور اختك فى الرضاعه ؟؟

عادى اختى فى الرضاعة عادى يعنى بس بعزها اوى اوى


2/ محمد انا عانيت من الغربه كتير عشان كده بكرها الغربه بالنسبالك ايه ؟

انا مش فى غربة انا مع اهلى بس اكيد مصر بتوحشنى

3/ مين بيوحشك اكتر فى مصر؟

مصر نفسها ترابها وهواها وكل حاجه فيها

4/ محمد ممكن تغير مبدأ فى حياتك عشان ترضى حاجه جواك ؟

احتمال مممكن جايز

5/ هل انت صريح دايما ولا فى بعض الاحيان بتخفى صراحتك دى ؟

احيان بخفيها لما اشوفها هتئذى مشاعر غيرى

6/ هل الصداقه ممكن تتحول لحب ؟

اكيد بس الحب ميتحول لصداقة


7/ ممكن ترضى بامر انت مش حابه لان فى حد عزيز عليك حابه ؟

لا لا


8/ انا لقط كام كلمه من بابا سعودى معلقين معايا وانا هنا فى مصر انت بقالك فتره كبيره فى السعدويه
لغتك اتغيرت ولا بتتكلم مصرى برضه ؟

بتكلم الاتنين مصرى وسعودى يعنى مع المصرى مصرى ومع السعودى سعودى


انا مش رايقه دلوقتى لو ربنا سهل هرجع تانى كفايه عليك كده

ربنا يعينك يامحمد


اوك اوك وارحمينى هههههههه

هههههههههههههههههه اناااااااااااااااااااااااا

والله انا مفاضيه خالص بس بدخل عشان خاطرك ياحماده ومتقولش سوسو مقصره هههههههههههههه

1/ نور معاك فى السعوديه ولا فى مصر ؟

2/ بتعمل ايه دلوقتى ؟

3/ كام رصيد فى جوالك الحين ؟

4/ مين اكتر حد اثر فى شخصيتك ؟

5/ ايه الاغنيه اللى بتأثر فيك لما بتسمعها ؟

6/ الاغنيه اللى انت حاططها فى التوقيع بتاعك لمين وايه المناسبه اللى خليتك تحطها ؟

كل مره مكملش اسالتى مضطره اخرج والله حظك يابنى ههههههههههههههه

يمكن ارجعلك تانى

هههههههههههههههههه اناااااااااااااااااااااااا

يمى خضتينى هههههههه

والله انا مفاضيه خالص بس بدخل عشان خاطرك ياحماده ومتقولش سوسو مقصره هههههههههههههه

ربنا يخليكى ياسوسو

1/ نور معاك فى السعوديه ولا فى مصر ؟

انتى قصدك الى فى المنتدى انا والله سمعت انه فى جدة بس مش عارف هقابله امتى

2/ بتعمل ايه دلوقتى ؟

بجاوب على اسئلتك

3/ كام رصيد فى جوالك الحين ؟

صفر

4/ مين اكتر حد اثر فى شخصيتك ؟

محدش انا شخصيتى بنيتها بنفسى


5/ ايه الاغنيه اللى بتأثر فيك لما بتسمعها ؟

احساس فظيع

6/ الاغنيه اللى انت حاططها فى التوقيع بتاعك لمين وايه المناسبه اللى خليتك تحطها ؟

مغنى خليجى اسمه اصيل ابو بكر بس مفيش مناسبة حسيتها لايقة مع الكلام

كل مره مكملش اسالتى مضطره اخرج والله حظك يابنى ههههههههههههههه

ههههههه ارحمينى بقى

يمكن ارجعلك تانى

مترجعيش بالله

ايه يابنى انت لسه موجود هنا انا تعبت من الاساله المره دى سماااااااااااااااااح ياعم

مش هسالك غير احساسك ايه دلوقتى ها؟؟

ربنا يعينك على اللى انت فيه ميرسى يا حماده على اهتمامك باسالتى

اه بالمناسبه انا كنت بسالك على نور اختك

اسيبك باه على ما اظن ان اسبوعك خلص ولا ايه

بجد بحييك على التوبيك الجميل اوى ده

احساسى دلوقتى ياسوسو ان مامتى واخواتى وحشونى اوى اوى اوى اوى اوى اوى اوى اوى اوى ربنا يرجعهم بالسلامة وبكدا يبقى اسبوعى عدا ونقفل الموضوع بقى الحمد لله اخيرا ههههههههههههههههه هنختار بكرة غضو جديد وورطة جديدة