قصيده جميله ولكنها تحمل الحقد بين سطورها

قصيده جميله ولكنها تحمل الحقد بين سطورها ولا تصلح لان تكون بين الاحباء حتى بخيانه احدهم للاخر








ليتــــــــك تموت اليوم وارتاح انا منك
.. ويرتاح قلب(ن) بالخيـــــــانه طعنته


ليتك تموت اليوم وبثوب(ن) اسود أكفنك
.. وأطوي معك صفحة عذاب(ن) رسمته


ليتــــــك تموت وداخل القبر انا دفنك
.. وادفن مع الجثمـــان جرح(ن) جرحته


ليتك تمـوت اليوم ومحد(ن) درى عنك
.. غير الخفـــــــــوق اللي وفالك وخنته


ليتك قبل ماتموت في صدرك اطعنك
.. واصيح بأعلى الصــــوت حقي أخذته


يلعنك قلبي والأحاسيــس تلعنك
ويلعنك دمع<ن> صادقٍ لك نــثرته



جننتني يـــــــــــــاجعل ربي يجننك
.. لأ واحســــــــــاايف ليلي اللي سهرته


منت بكفو لقلب له سنين صـــــــاينك
.. ومنت بكـفو اللي من اجلك فعلـــــــته


غدار خــــــــــــاين خنت قلب مأمنك
.. قلبي عطـــــــــاك الحب وبيدك ذبحته


وش موقفك لو كنت أنا اليوم خاينك
.. وشهو شعورك لو فؤادك غدرته



القصيدة لشاعر المعروف والرائع/فهد الفوزان
/
/

وهنا جاء الرد على القصيدة من الشاعر/ عبدالله الشمري
/
/

هذا رد المظلوم


ماهي غريبه منك تكثر مطاعنك
ولاهي غريبه طاري الكره شلته


بس الغريبه قلت صار الوفا منك
ونسيت وش سويت وشهو فعلته


قلبٍ عطاك الحب لين انه ادمنك
ويومه قوى عودك قمت وطعنته


قلبٍ عطاك الود بالشوق حاضنك
ياكيف هانت عشرته كيف خنته


لو جاربي فعلك فلاني بلاعنك
ماني بمثلك من جفاني لعنته


وشلون عقب اليوم اثق فيك وامنك
وانت الذي بالغدر حصني هدمته


طاوعت شور الغير فيني وودنك
خذاك بالمشوار رحت وتبعته


رح بشر اللي في سود الايام دشنك
قله دفنته والعوض فيك انته


باكر تحس بلوعتي يوم يدفنك
وتذكر هوى المجنون وشلون خنته


باكر يجي غيري وبالجوف يطعنك
وتذكر هوى شخص بغدرك قتلته