فرفش معانا

تاريخ التسجيل : 05/08/2010

لحلقة الأولى يا سلام

اعرفكم على نفسى فى الاول اسمى عائشة عندى 40 سنه اويه مستغربوش متجوزه من متولى ربنا يسامحه بقا من 18 سنه عندى 3 عيال كلهم فى

التعليم العالى والحمد الله قررت النهارده بعد صبر 18 سنه انى أكتب حياتى مع المحروس متولى علشان انا حاسه انى هطق وواحده جارتى هى اللى

قالتلى اكتب على الورق يمكن افك عن نفسى ارجع كده بالذاكرة لليوم السعيد اللى جه فيه متولى يخطبنى كنت عيله عندى 18 سنه ومتولى

الحق يتقال كان شكله حلو راجل قيمه وسيما ودخل البيت عن طريق خالى ربنا يسامحه بقا

بابا : الف اهلا وسهلا
ابو متولى : مرحبا بيك ياحج والله احنا جايين على السيرة

عائشة من وراء الستارة : جايين على السيرة ولا على رائحه الاكل ياعالم ياجعانه اما شوفت معاكم كيس لب

بابا : ياسيدى عيشت

بعد السلامات والترحيب صمت رهيب والعريس خايف يتكلم لينقص حته ولا ايه وانا واقفه وراء الستارة هموت واسمع صوته وطبعا معايا فى
المشهد ده بنات العيله كلهم جايين يشوفو عريس الهنا قولت فى عقل بالى ادخل بالشربات والجاتوه يمكن يتكسف ويقولى حتى شكرا ويبقى سمعت

صوته شلت الصنينه ودخلت زى القطر عليه هو لا امه ولبا ابوه وقولتله اتفضل بصلى بذهول واخد الطبق وهز دماغه وخلاص

انا : يالهوى ياامه هو ايه عريسى اخرس ولا ايه ياشماتته العدوين فيكى ياعائشه ماهو لازم من كتر التفكير اخدت الصنينه فى ايدي وخرجت من

الاوضه من غير ما ادى اى حد فيهم كوبايه ميه ومن غيظى اتكعبلت فى السجاده ووقعت انا والصنيه على الارض ساعتها بس صحبنا فتح بقه

وضحك اوى وجرى عليه وقالى

متولى : الف سلامه عليكى ياعروسة

انا هموت من الكسوف : انا اسفه وطلعت اجرى من الاوضة ومطلعتيش منها تانى

ماما : انتى ايه يابنتى معندكيش تميز داخله تفرجى الناس اننا عندى جاتوه ولا ايه

انا : ما انا كنت فاكرة العريس اخرس

ماما : ياساتر يارب يابنتى برده ميصحيش تعمل كده ابدا

انتى يابنت ...........................................

ده طبعا بابا

ماما : استلقى وعدك بقا يامرات الاخرس

انا : ايوه يابابا جاية

بابا : تعالى سلمى على الناس

انا جيت طبعا ام العريس سلمت عليه كانها بتسلم على واحده جربانه وابو مكلفيش خاطره يسلم وجرى على السلم كانى ريحتى وحشه ولا

حاجه او خايف كلب يعضة اما متولى سلم عليه وقالى يارب تكونى بخير

انا اتكسفت اوى منه ومن زوقه ووقعت فى غرامه من اول مقلب

عااااااااااااااااااااااااااااااااااااااااااااائشة

......................................... اشوفكم الحلقة الجاية

تاريخ التسجيل : 14/08/2010

تسلم ع القصة حلوة كتيررررررررر ؟
اتمنى لك ولجميع التقدم والنجاح؟

وحيدة فى العالم؟؟؟؟

تاريخ التسجيل : 05/08/2010

يا سلام الحلقة التانيةيا سلام

في نص هدومي عريسي في نص هدومي

رجعت تانى للورقة والقلم بعد فاصل مع متولى اكيد هحكي عليه فى وقت لاننا لسه فى اول الحكاية كنت بقول ان من بعد ما اتدلقت قدام اهل متولى وكمان اخدت الجاتوه ومشيت اهل انى بنت مش طبيعه او مجنونه وغالبا مبفهمش نهائى ده كلام متولى اللى حكاه فى ساعه صفا نادرا ما بتحصل بعد كام يوم جه معاد الزيارة التانية وتم تحديد المعاد وطبعا كان لازم من قعده عرب من بابا وماما علشان الفضائح واللى حصل المرة اللى فاتت

بابا : عائشه يابنتى لازم تعقلى شويه انتى هتفتحى بيت كمان كام شهر واسلوبك ده ميفتحيش علبه تونه حتى

انا : يابابا والله انا اتلخمت خالص وكنت فاكراه اخرس

ماما : يابنتى هو لازم يكون بالع راديو بكرة متعرفيش تسكتيه اسالينى انا ؟

بابا بص لماما بصه : مجيدددددددددددددددددددده

ماما : انا مقوليتش حاجه يااخويا انا بوعيها بس

خلص الدرس وابتديت استعد بقا لتنضيف الشقة بنطلون البيجاما العجيب وربطة شعرى بشارب ومسكت المقشه واستعنا على الشقا بقا على قبل المعاد بساعه كنت خلصت كله تمام

ماما : ادخلى بقا غيري هدومك الناس على وصل يابنتى

انا : ياستى انا مستنيه المكوجى يجبلى الهدوم وبعدين هقوم مرة واحده

ماما : يابنتى متوجعيش قلبى قومى بدل ما الراجل يجى بدرى يشوفك يتخض

انا : ليه هو هيشوف عفريت ولا ايه ؟

ووسط الخناقة دى الباب خبط

انا : ارتحتى اهو المدهول المكوجى جه وهريحك ، ايوه يامنيل جاية

فتحت الباب وانا ماسكه المنفضه وبمسح عرقى فى كم البيجاما زى المتسولين

انا : اهلا يامدهول ببص لقيت مين .............................

العريس وابوه وامه واخته وكلهم فاتحين بوقهم من الذهول وانا بقا يارض انشقى وابلعينى جريت من قدامهم على المطبخ وانا بصرخ

مااااااااااااااااااااااااااااااما

خرجت امى من المطبخ مسروعه

ماما : فى ايه يامدهوله كسرتى ايه انا عارفه يومك ده

انا : العريس واهله جم وانا فتحتالهم الباب

ماما بصتلى بذهول فتحتالهم الباب كده يارب عدى الجوازة دى على خير اماما من لخمتها دخلت على الناس وهى ماسكه المغرفه بتاعت الرز فى ايدها

ماما : يالف اهلا وسهلا

ام العريس : هو احنا جاين فى وقت مش مناسب ولا ايه

ماما اخدت بالها من المغرفة وردت

ماما : متاخذونيش البت سرعتى الف مرحب حالا اندوالكم ابو محمد

ماما دخلت جرى على بابا اللى كا لسه بيلبس وقالتله ان الناس جم

بابا : ناس مين اللى جم ياوليه لسه على ميعادهم ساعه

ماما : عريس بنتك واهل يااخويا

وحكيت ماما لبابا بسرعه من اول باب الشقة لحد المغرفة

بابا : طيب وسعى من قدامى فضحتونا انتى وبنتك كملها على خير يارب

دخل بابا على الناس : اهلا وسهلا ايه النور ده شرفتونا

متولى : احننا اسفين ياعمى اانا جايين بدرى بس المواصلات جت سهله الحمد الله

بابا : متقوليش كده يابنى البيت بيتك تنور فى اي وقت

طبعا انا دخلت غسلت وشى ولبست وظبطت نفسى علشان احاول اعالج منظرى اللى شافنى بيه اول ما دخل وبعدين لازم يعرف انا كنت بنضف عايزنى البس ايه سوراية مثلا رجاله غريبه

دخلت المرة دى على حمات سلمت عليه طبعا اول ما شافتنى لويت وشها كانى جربانه قولت فى بالى مش مهم انا المهم عندى ميتو ابو قلب حنين وكمان اخته السوسة سلمت عليه وهو هتموت من الضحك فى بالى قولت بتضحكى على ايه يامضروبه انتى شايفه ارجوز قدامك دورت بعنيه على الهديه اللى جايبها العريس مش لقيه حاجه فين بعد معاناة لقيت علبه شكولاته تعمل 1 كليو تقربيا وشكلهم هياخدوها وهما ماشين ولا ايه .
المرة دى متولى بيه كان بيتكلم زى الرديو وده الحوار

متولى : انا يشرفنى ياعمى انا اطلب ايد بنت عائشة

بابا فى صمت : والله يابنى انت متستهليش اللى هيجرلك

متولى : وطبعا طمعان فى موافقة حضرتك انت وست الحسن

بابا : يابنى انت عارفه ان الراي فى الموضوع ده لصاحبه الشان

انا زى الصاروخ : وانا معنديش مانع هبل

بابا بغيظ : مجيددددددددددددددده خدى بنتك واعملو الشربات

طبعا حسيت من اسلوب بابا انى عكيت فقمت انا وماما من المكان فى صمت وبابا قعد يكمل الكلام

بابا : قولى بقا انت ايه امكانياتك ؟

طبعا البيه اتنفخ زى البلونه ساعتها اه لة كنت اعرف كنت فجرته ساعتها اه ياناررررررررررى

متولى : انا بلافخر عندى شقى 70 متر بحالهم وبشتغل موظف اد الدنيا فى شركة الكهربا ومرتبى محترم بس محبيش اقول كام علشان العين

بابا وهو بسمع فى صمت : عين ايه ورجلين ايه وايه 70 متر يعنى مش فيلا يعنى ايه يارب العلل دى هيبقى البيت وجوزها عليه

متولى : وطبعا احنا هنساعد بعض فى شراء العفش ومستلزمات الجواز

بابا فى صمت : فضلك شويه وتقولى احمد ربنا على الامله اللى انت فيها اه يازززززززززززززززززززززززززززززمن

بابا وهو متغاظ : وحضرتك بقا تعليمك ايه

متولى بنفس الفخر اللى هينقط بابا : معايا دبلون وبكمل فى معهد تجارى انا بحب اطور من نفسى ياعمى

بابا فبل ما ينفجر من الغيظ ماما ندهت عليه

ماما : ايه يابو محمد متقرا الفاتحه خلينا نفرح

بابا : استنى ياوليه الواد بارد اهو وواخد فى نفسه شالوت وكمان حاسس انه بخيل

ماما : متظلميش الواد ياحج اقرا الفاتحه بس وكله هييبان

بابا : حاضر حاضر

بابا رجع تانى : دى ام محمد بتقولى لازم امسك فيكم على العشا

متولى واهله فى نفس واحد : طبعا وماله اهو يبقى عيش وملح

بابا حس انه ادبس وقال فى باله : اه ياعيله جعانه

طبعا ماما الحمد الله عمله حسابها وقعدت معاها فى المطبخ نجهز العشا لعريس الهنا

بابا : قولى يابنى انت ناوى تجيب اد ايه دهب

متولى واهله وشهم اصفر زى ما يكون مش متوقع

متولى : احنا هنجيب الدبله طبعا

بابا : دبله واحده بطولها كده

متولى : طبعا ياعمى ودبله العريس فضة والعروسه هى اللى بتجبها هديه يعنى

بابا فى صمت : انت اهبل يابنى ارررررررررررحمنى يارب ياصبر ايوووووووووووووووب

متولى : وده طبعا علشان انت عارف ياعمى ان المعيشه غاليه

الكلام ده من 18 سنه يعنى ااقول ايه نصيبي ياناس

بابا : معيشه ايه بس يابنى مينفعيش جواز من غير شبكة

متولى : خلاص ياعمى الشبكه هتبقى فى حدود 1000 جنينه كويس

بابا : 1000 جنيه بس ؟

متولى : شوف ياعمى هو اخر كلام عندى 1020 جنيه ومش هزود عن كده

بابا فى غضب : هو ايه ده يابنى هو انت بتشترى طماطم وبتفاصل فى ايه اصلا

متولى : ماهو انت ياعمى لازم تقدر ظروفى

بابا وهو فايض بيه : يوم الخميس الجاى تنزل نشترى الشبكة اللى هى تختارها والخطوبه الجمعه ها ايه رايك نقرأ الفاتحه

متولى وهو مقهور : موافق ياعمى

يوووووووووووووووووه نسيت حله العدس على النار زمان الغدا اتحرق اعمل ايه بس اكمل وقت تانى بقا ................مستغربة........... اشوفكم الحلقة الجاية

فرفش معانا

مواقف وطرائف

مذاكرات زوجه

مذاكرات زوجه