انا بفكر اننا نعمل مجله تكون هى وجهة المنتدى وتكون حاجه مميزه بس ازاى معرفش باه وان شاء الله لو فى اى فكره تانى جت فى بالى هبقى اقول عليها وان شاء الله المنتدى بيبقى كويس ويكبر بينا ولينا

الفكرة دى انا كمان فى دماغى بس هشوف بتتعمل ازاى وان شاء الله احاول اعملها

اوك كويس ان شاء الله نعمل عل ىاقتراحك ياباش مهندسة بس مش صوتى انتى فى الاستطلاع الى قبل الموضوع

انا مع سوسو والمهندسه فى اللى قالوة عن تغيير التصميم بتاع المنتدى شويه بدل الشكل التقليدى ده

وبعدين يا ريت تعمل حاجه زى الفلاش تكون متغيرة يوميا تشتمل على الاخبار مثلا
او بعض الخلفيات الجميله

هفكر برده شويتين وارجعلك بالجديد انت عارف بئا الصيام وتأثيره

جميل جاد بجد وشغل احلى

وانا راي من رايهم يامحمد وربنا يوفقك

ياجماعة انا عارف والله ان كلكم عايزين حاجه جامدة بس انا عايز اقلكم انى بعمل كل الى اقدر عليه عشان اطلع المنتدى باحلى صورة وان شاء الله انا هحاول اعمل حاجه جامدة للمنتدى تبسطكم كلكم بس بالنسبة لاقتراحك يامودى انا مش فاهمة تقصد ايه بالحاجات المتغيرة ؟؟؟

بس يا صديقى فى حاجات عامله زى الفلاشات بتبقى على الصفحه الرئيسيه بتعمل جو ولن للصفحه جامدين ممكن تحتوى على اى حاجه جديده اخبار مصورة مثلا او بعض الصور فالمنتدى الجميله هتعمل جذب جامد جداااااا

انا عارف يامودى والله بس امكانيات المنتدى مش تسمح ممكن بس انا هحاول ادور عليها واعملها بس فى دلوقتى حاجه بالنسبة لطلبك ياباش مهندسة انا حاولت اعمله بس مظبطش معايا بالفوتوشوب ياجماعة احنا عايزين نعمل واجهة تدل على محتوى المنتدى انا عايز احط فيها صور ممثلين عرب وانمى وممثلين انجليزى وكدا فلو حد عنده صور يحب يقترحها عشان احطها يفيدنى بيها لانى محتار احط ايه بصراحة

بجد الشغل حلو جدا يامحمد بجد تسلم ايديك

والأفكار الي اقترحت برده حلوة جدا لو قدرت تعملها يبقى تمام بس هو المنتدى حلو فعلا

ربنا يخبيكى يانور وتسلمى على الكومنت الجميل

امممممممممممممممممممممممممممم
والله هو المنتدى الشغل الي فيه جامدا جدي
بس ملاحظة ياشباب ويابنانيت ان اسم المنتدى المزاريطة اختار استايل يناسب الإسم
هو اقتراحتكم حلوة كلها وعجبتني اوي فكرة المهندسة للمنتدى
بس امممممممممممم مش عارفة والله
على العموم محمد هو الي هيعمل الي يقدر عليه من غير ارهاق وتعب لية

وهو بوجود الكل احلى منتدى

مهو دا الى انا عايز اعمله ياامولة انا عايز اعمل واجهة تدل على محتوى المنتدى الى عنده صور حابب يشاركنا بيها يشاركنا

وانتى طيبة ياباش مهندسة طيب تقترحى خلفية الواجهة يبقى الوانها ايه

لو اعرف ياباش مهندسة مكنتش عملتالموضوع دا اصلا هههههههههههههه بهزر والله انتى تأمري ياباش مهندسة ان شاء الله هحاول اعمل كل اقترحاتك دى والى مش هقدر اعمله هيكون صعب شوية تحياتى ليكى

هههههههههههه والله فعلا صعبان عليا صدقنى اللى هتعمله احنا هنوافق عليه وانا اول واحده
لازم اوافق لو مش موافقه اجى اعمل انا كده شوف هاعمل ايه بقان وطبعا مااقولكش بقاااااااااا
احنا اقتراحات وبس انما تنفيذ لالالالالا ولا الهوا هههههههههه ان شاء الله هيبقى زى الفل
اكييييييييييييد

اوك ياباش مهندسة

الله يا نور عليكى يا هندزة فى موضوع الصور دى انا معاكى قلبا وقالبا ويا ريت يا محمد تحاول تنفذ الفكرة دى لانهم بجد تحفه وهتعمل استايل جامد

بالنسبه لشريط الادوات اعتقد انه سهل وبسيط ومحمد ممكن يعمله بسهوله

بص بئا يا سيدى عاوزين نعمل لينكات لتحميل الافلام الجديده وعاوزين ننسق الاقسام شويه لانى حاسس انها متلعبكه فى بعضها يعنى اللى يدخل للمرة الاولى هيلاقى نفسه تايه فى عالم البحار

هبئا اقسمها فى دماغى واقترح عليك ممكن تبئا ازاى

اصبر علينا هوا انت لسه شفت حاجه استلم بئا يا وحش

اوك شوف الترتيب الى فى دماغك ايه وانا من رأيي برده ان الاقسام لازم تترتب شوية عن كدا وعايزين نقلل من كمية الاقسام وفى نفس الوقت تبقى بنفس الافادة ولا ايه والواجهة الى فوق دى انا لقتها جاهزة وعملت عليها تعديلات بالفوتشوب ايه رأيكم فيها حلوة ولا ؟؟؟