التاريخ ............ 14/4

النهارده تاريخ ميلاد اخويا عبدالرحمن
هو شخصية صعب الحوار معاها .. انسان عصبي بكل معنى الكلمة
لكن بحبه لأنه اخويا كان نفسي أقوله كل سنه وانت طيب يا اعز الناس
بجد وحشني وجوده وخناقه معايا ديما ^_^

**************************

النهارده قلبي واجعني على اخويا التاني محمد عمدة المزاريطة و حبيب قلبي الغالي
بتمنى من ربنا يحميه من كل شر و يكرمه بكل خير
ويخليه ليا يارب

امبارح كنت حاسه ان حاجه وحشه هتحصل لكن مش كنت اعرف انها هتكون فيه و الحمدالله الحمدالله الحمدالله ربنا نجاه عشاني



ربنا يخليكم ليا يا أغلى الناس في حياتي ( أخواتي )

النهارده 13/5

حاسة اني مخنوقة لأبعد الحدود و مش عارفه السبب , نفسي انفجر بكاء لكن مش قادرة مش عاوزة حد يحس بالي جويا من الي عايشين حوليا
نفسي الاقي الناس الي كنت دايما بكلم معاهم ،، نفسي الاقي صحابي الي بعدتنا الايام و الأماكن
كنت معتقده ان الموبايلات و النت هيفضلوا مقربنا من بعض لكن للأسف طلع اعتقاد غلط لان طلعت الدنيا اقوى مني ومنهم و اخدت كل شخص في حياة تانية خالص
بقيت حاسة اني لوحدي ......... بجد تعبانه اوى من الوحده دي

********************
بقت اختى ديما تشتكي اني بعيدة عنها واني مش بقيت زي الأول و مش بقى بنا كلام زي الأول مش زي أول سنه ليا فيها بعيده عنها
لكن مقدرش اقول غير انها هي كمان اتغيرت عني بقيت حاسه ان ديما في حاجه شغلاها عني ديما في حاجه وخداها مني
لما اكلمنا النهارده على الميل بقيت حاسة انها بتقولي ((مش عندي حاجه اقولها ليكي يريت تقفلي احسن)) مش عارفه دا صح ولا خطأ ؟؟



البعد غير ناس كتير عني و خلى الناس حست اني اتغيرت عنهم بس بجد كل الي كانوا في حياتي لسه في حياتي مش خرجت حد منها سواء حبيب و لا أصحاب ويريتهم يعرفوا كدا بجد

بكره البببببببببببعد


&& نصيحه &&
متخليش الدنيا تاخد منك اعز ما ليك فيها سواء حبيب او صديق او اخوه
متخليش الدنيا تغيرك من جواك نحيت اي حد و خاصه الأصحاب

الي قال الأصحاب بتتعوض بني ادم مش عنده اي فكرة عنهم و عن معنى الصداقه بجد

اسفة