زوجى حبيبى واحشنى وازيك ومشتاقالك وإلخ إلخ إلخ إلخ ....
بيقولوا اللى أوله شرط آخره نور ان شاء الله

... وصحيح أنا لسه مستنياك مالعالم الخامس اللى أنت فيه بس نقول ايه بقى
!
شحات وبيتأمر :)

أنا يا حته من قلبى عايزاك زوج مثالى جداً جداً
ومش معنى ده إنى عايزاك كامل .. لاء أنا مش بعجزك
لأن الكمال لله وحده

لكن زوج مثالى يعنى صفاتك أغلبها تكون كويــسه
ومفيش مانع يكون عندك صفه ولا إتنين قالشين منك
مسامحاك فيهم ..
بس هحاول أغيرهم

أول صفه اللى لازمن ولابد تبقى موجوده عنك
الإيمـــان :)
يعنى ايه بقى
!!
تكون بتصلى وعارف ربنا وعندك تقوى فالمعامله مع كل الناس وأولهم مامتك عشان زى ما هتعاملها وتحترمها هتحترمنى..
ويكون عندك عفه
ماتبص على بنت وبتعرف تغض بصرك ، ونفسك تبقى كويس وتآخد بإيدى وأبقى كويسه

وتانى صفه وتالت ورابع وخامس و و و و
كله بصراحه تحت بند الإيمان ده.

ماهو أكيد لو انت أبيض من جواك هتبقى مش كداب
وهتبقى اخلاقك حلوه ومؤدب وعمرك ما بتنطق كلمه فيها
تييييييييت

وهتبقى قد كلمتك ومسئول وراجل فى كل حاجه
وأكيد هتبقى مراعى ربنا فى حقوقى وعارف واجباتك
وهيبقى عندك صبر عليّا
لما أغلط ولا أعمل حاجه تزعلك :)
وغير ده كله عايزاك
:
رومـــانسى
"ايموشن سرحااااااان"
بس الرومانسيه الحلوه مش اللى تخنق
مش كل يومين تجيبلى دبدوب وورد وآخر الشهر ما نلاقيش اكل
ونسلق الدباديب ونعمل جميها سلطة ورد
!!
لاء يا حبيبى عايزاك كل يوم كده تفكرنى أنك بتحبنى
ومش لازم تبقى كلمه أو رساله أو أو ....
عايزاك بس تعمل أى حاجه أو أى نظره أحس منها ده


ولما أعمل حاجه عشانك تبقى عارف إنى بس بعملها عشان بحبك
وياريت بقى لو ينفع تبقى تفسحنى كل ما تفضى..
لو يعنى مش هيبقى فى مشكله عند سيادتك

وىه بقى مالحاجات اللى عايزاها فيك يا زووجى
يكون دم حضرتك "خفيف"
ماهو مش طبيعى اتجوز حد قفل وما بيضحكش :@

ده أنا ممكن وقتها أعلق الدبدوب فى النجفه مشنوقاً
عشان عالأقل ألاقيــك مبتسم معظم الوقت
وتبقى روحك حلوه وشايف الدنيا كويسه ومش كئــيــب

وعايزاك طموووح
يعنى لو عندك توكتوكين .. فى خلال سنه تبقى اشتريت كمان واحد وبقوا تلات تكاتك ....

وعايزاك حاجات كتيره حلوه :)
عايزاك كل حاجه حلوه ناقصه فيّا
كتير ببقى عايزاك زى بابا تخاف عليّا وتطمنى وتحسسنى دايما إنى كويسه ومفيش حاجه وحشه هتحصلى
طول ما أنت جمبى


واخيراً وليس آخراً

بحبك اكتر مالفراوله والشيكولاته :)

معتقدش يامودى انى هقابل حد يعوضنى عن الفراوله والشكولاته

توبيك حلو اوى ربنا يوفقنا يارب تسلم الايادى