انتي يا اموره ياللي فرحانه بكام صوره
و علي الفيس عامله فخوره بكلمه مرتبطه
... ... ممكن سؤال صغير ,,
يعني ايه مرتبطه !؟
مخطوبه دبلتك في اليمين ,
متجوزه دبلتك في الشمال
انما مرتبطه دي لامواخده يعني دبلتك فين يا شطوره :)
اصلها فكره مالهاش تاني
اللي بيحبك هيجي لباب بيتك و هيخبط
و هيقول يا عمي جوزني بنتك
يا اموره ياللي فرحانه بكام خروجه
فرحانه بمسكت ايه و كلمه مسطوره
فرحانه بغنوه حلوه و اهداء يسحر و ورده منديه
فكرتني ضيعتي من نفسك كام احساس جميل :(
ضيعتي سنك و عايزه تعيشي و تسبقيه
انتي لسه في بدايه حياتك
عيشي العبي اخرجي افرحي
بس بلاش تدي مشاعرك و احساسك لواحد
قرر انه يلعب بيها
ليه بقا اساسي في السن ده ان البنت تكون مرتبطه ؟
ليه البنت اللي مش مرتبطه تبقي كانها عامله جريمه ؟
او مثلا في عاهه او عيوب
هيجي عليكي يوم و تحبي بصدق
تحبي راجل يعرف يصونك و يخاف عليكي
بس ليه متستنيش الحب ده في وقته و يكون في النور
هيبقي طعمه احلي بكتير من انك تعيشيه في كدبه " عندي درس "
موضوع: أنتى يا أمورة 
الأحد 2 أكتوبر 2011 - 16:20
