أحـــــــبـــــــــــــــك
حب ما حبه على وجه البشر انسان
أحبك كلمةٍ اكبر من أني معك أنطقها

أحـــــــبـــــــــــــــك
والحقيقه فوق ماتتصور الأذهان
أحبك يانظر عيني فداك الروح تملكها

أحـــــــبـــــــــــــــك
ما أظن أقدر على بعد الهوى لو كان
أحبك للأسف تجهل معان الحب أجملها

أحـــــــبـــــــــــــــك
لو تحس اللي أحسه داخل الوجدان
وربي تحترق منّه ، أحبك صعب تفهمها

أحـــــــبـــــــــــــــك
لا تّجاهلني ترى حبي مثل بركان
وربي لاتجاهلته ... يجيب العالي أسفلها



أحـــــــبـــــــــــــــك
ما أظن فـ يوم يطوي كلمتي النسيان
ترى النسيان مايقدر يخفّي لمستي منها

أحـــــــبـــــــــــــــك
والحنين اللي غدى في داخلي سلطان
خلق لك من كلام الحب كلمه يستحي منها

أحـــــــبـــــــــــــــك
كلمه ماتروي عطش طفلٍ غفى ضميان
سكن في داخله شوقٍ ضلوع الصدر كـسـّرها

أحـــــــبـــــــــــــــك
كثر ماقالوا ترجّح كفة المـــيـــزان
أحبك ودي اسمعها ولو مره تلحنها ..!!

أحـــــــبـــــــــــــــك
كلمه مـــابيـها تجي منّك فقط إحسان
أبيها احساس يوصلني قبل عقلك يرتبها

أحـــــــبـــــــــــــــك
قولها مره طلبتك قولها ولهـــــــــان
طلبتك لاتخليني أنــــا محتــــاج أسمعها

كلمات رائعه يا ايمى تسلم ايدك يا اميرة الرومانسيه

ميرسي يامودي ربنا يخليك