ازيكم يا احلي اعضاء واحلي اخوات ف الدنيا كلها انا هضطر غصب عني مدخلش المنتدي من بكره بس كام يوم كده بس عشان رايحه اسكندريه والله هصيف هتوحشوووووووووني اوي والله وبيتي اللي هو المنتدي هيوحشني اكتر اشوفكم علي خير ان شاء الله
لا اله الا الله

تروحى وتيجى بالف سلامة ياايمى وان شاء الله تقضى احلى ايام

تسافري ورجعي بالسلامة ياقمر هتوحشينا اوووووووووووووووووووووى

يا سيدى يا سيدى اهم حاجه ادعيلى وانتى عالبحر

وفتكرينى باى حاجه من اسكندريه انا معرفش ايه المميز هناك بس الاكيد فى حاجات كتير قوى

ترجعيلنا بألف سلامه يا جميل

ميرسي ربنا يخليكوا كلكلم انا لسه دلوقتي وبكره بقي هحكلكم عملت ايه وروحت فين

ازيكم يا احلي اعضاء وحشتوني اوي كان مصيف جميل والله كنت اتمني تكونوا معايا كلكم

انا اول يوم سافرنا الصبح الساعه 8 ووصلنا الساعه 12 خرجنا بقي بالليل بعد المغرب اتمشينا في شارع خالد بن الوليد كله وبعدها قاعدنا علي البحر والجو كان جميل جدا والشاطئ هادي ومش زحمه

تاني يوم الصبح روحنا شاطئ المعموره علي البحر لحد الساعه 1 وبالليل روحنا سينما اتفرجنا علي فيلم تك تك بوم فيلم جميل وكوميدي بس ف قصه حلوه

ثالث يوم روحنا الصبح المنتزه وطبعا شاطي المنتزه ده غايه في الجمال ماهو المنتزه ده قريه كبيره اوي كانت بتاعه الملك فاروق كلها جانين وقصور ملكيه وجوامع وفنادق ومطاعم وطبعا الشاطي والبحر جميل جدا وبالليل روحنا الملاهي كانت جميله بردوا

رابع يوم الصبح علي البحر لحد الساعه 2 وبالليل روحنا قلعه قايتباي قعدنا علي البحر بردوا

خامس يوم بقي وواخر يوم رجعنا بس واحنا راجعين دخلنا قريه الاسد دي قبل اسكندريه علي طول دي بقي عالم تاني جميله اوي اوي اوي واتغدينا فيها فطير وعسل ومش هههههههههههههههههه قاعدنا فيها 3 ساعات كده وبعدين رجعنا كانت رحله جميله اوي واسكندريه بجد روعه
وبكده انتهي المصيف عقبال السنه الجايه بقي ان شاء الله

حمد الله عالسلامه يا جميل ورحله سعيده

الله يسلمك يامودي ربنا يخليك

حمدالله على السلامة يا ايمي

الله يسلمك ياقمري