المقادير

كيلو كوسه مقطع شرائح رقيقه
ربع كيلو لحمه مفرومه

كوب عصير طماطم

بصله مفرومه

2معلقه دقيق

نص كيلو لبن خالي الدسم

معلقه ذبده او سمن

بياض بيضه

ملح, فلفل

2/1معلقه صغيره قرفه

4/1 معلقه صغيره نعناع ناشف مطحون

الطريقه

تجهيز اللحمه

نشوح البصله بدون اي اضافات في طاسه تيفال وبعدين نحط اللحمه ونقلب واما لونها يتغير نضبف عصير الطماطم ونسيبها تتسبك
نتبلها بالملح والفلفل والقرفه والنعناع

تجهيز الكوسه

نحط الكوسه في حله تيفال وعليها قليل من الملح والفلفل وربع كوب ماء ونقلبها ونوطي النار عليها جدا ونسيبها تنزل الميه بتاعتها بعدين نحطها في مصفي ونسيبها مده ما تقلش عن نص ساعه علشان ما تنزلش ميه في الصينيه

تجهيز البشاميل

نقلب الدقيق مع اللبن مع معلقه السمن

ونحطهم علي النار مع التقليب المستمر حتي

يتكون البشاميل اللي عمره ما هيكلكع منك

بالطريقه دي

كده كل حاجه بقت جاهزه

نضيف اللحمه علي الكوسه ونحط عليهم نص

كميه البشاميل ونقلب بخفه نحط المكونات

دي في الصينيه ونحط باقي البشاميل علي

الوجه ونلمع الوش ببياض البيضه علشان

تحمر بسرعه

تتقدم مع سلطه خضراء

الله ينور عليكى عاوزين ندوق بقى ولا هنقضيها مقادير بس

ههههههههههههههههههههه
يعني انا قافله المطبخ هتجننوني ههههههههههههههههههههه
ادخل المطبخ ودوق الاكل كله

ياجماعة مينفعش كدا والله بجد امى بتحط اكلات جامدة بس احنا هندوق الصور يعنى انا خلاص كلمتها وهى عازمانا عندها فى يوم على كل الاكلات الى احنا عايزينها هههههههه توريط :D:

هههههههههههههههههههه لا والله ده انتوا تنوروني يامحمد انا تحت امركم

اهو كلام وبس هههههههههههههههه بجد شكلها شهى جدا جدا بس عايزين طريقه ندوق بيها الصور دى الا تحمض ومتلاقيش حد ياكلها تسلم ايدك ياامانى

ههههههههههههههههههههه ميرسي ياسمر