جال بخاطرى تسائل لظاهره متوجوده الان

هواين ذهبت شهامه الرجل الشرقى؟

تغيرت مفاهيم كثيره فى حياتنا ما بين الامس واليوم

ولكن ماذا كانت والي اين ذهبت؟

لماذا نتخلى عن اخلاقنا واهم ما يميزنا

ولماذا لا نكتسب ونحتفظ بصفات الصحابه والخلفاء الراشدين

ومنهم على سبيل المثال امير المؤمنين سيدنا (عمربن الخطاب)

فله الكثير والكثير من المواقف التى تدل على الشهامه والرجوله والحكمه والعدل

وعلى سبيل المثال وليس الحصر

هذا موقف

يعلمنا ازاى نعمل خير مش نسد ودانا ونمشى ونقول وأنا مالى كما يحدث الان

كان سيدنا عمر فى جولة من جولاته المعتاده فى الليل
ليطمئن على رعيته

وهو ماشى فى أول المدينه سمع صوت أنين امرأه
ينبعث من كوخ صغير وعلى بابه رأى رجلا يجلس
فسأله عما يحدث فعلم منه ان زوجته هى التى تئن
حيث اتاها المخاض وهى غريبه عن المدينه وليس
معاه احد يعينها على ذللك

فرجع عمر بيته بسرعه لزوجته أم كلثوم بنت على بن ابى طالب وفاطمه بنت الرسول عليه الصلاة والسلام
فقال لها: هل لك فى مثوبة ساقها الله اليك؟؟؟ فقالت
: خيرا ؟؟ فقال لها امرأه غريبه تمخض وليس معها احد .
قالت نعم ان شئتز وقام عمر جهز زاد وكل ما تحتاج اليه
الوالده دقيق وسمن ومزق ثياب ليلف بها الوليد

وحمل عمر أمير المؤمنين القدر فيه الدقيق والسمن
وقال لزوجته اتبعينى

ودخلت أم كلثوم للسيده تعاونها على أمرها اما بقى عمر
امير المؤمنين جلس خارج الكوخ وأوقد النار وجلس يعد الطعام للمرأه التى فى مخاضها تخيلوا؟؟؟؟؟

والزوج طبعا قاعد ينظر اليه ومستغرب من كرم أخلاقه
وظهر صوت أم كلثوم عاليا : يا أمير المؤمنين بشر
صاحبك بغلام.....

طبعا الرجل الى واقف جاتله صدمه نفسيه لما عرف انه
واقف امام أمير المؤمنين ووسط ذهول الرجل حمل عمر
القدر واقترب من بابا الكوخ ونده على زوجته
وقال: خذى القدر يا أم كلثوم وأطعمى الأم وأشبعيها .
وتطعمها أم كلثوم وترد القدر الى عمر فيقدمه للرجل
ويقول له : كل وااشبع فانك قد سهرت طويلا وعانيت كثيرا

ثم ينصرف هو وزوجته بعد ان يقول للرجل:
اذا كان صباح الغد فائتنى بالمدينه لآمر لك من بيت المال
بما يصلحك ولنفرض للوليد حقه. وانصرف عمر
وزوجته وسط ذهول الرجل لما حدث

*****

ولكن للأسف ما نراه اليوم هو تخلى الرجل عن كثير من طباعه الدينيه والشرقيه

والان اين هذه الصفات الجميله فى عصرنا الحالى

ألستم معى أن الغالب الآن من الرجال يحملون شعار ( وأنا مالى......) أى ليس لى شأن

بأى شخص فى ورطه... او اى بنت تتعرض لموقف سخيف.. او حادث طريق .. فلماذا أتدخل فى امر قد يعود على بالضرر؟

اين ذهبت النخوه..والرجوله..والشهامه؟

وكما يحدث الآن أن تجد فى وسائل النقل رجل عجوز واقف ويكاد يسقط وتجد شاب

لا يتعدى العشرين وهو جالس

الا يشعر بضعف هذا العجوز وحاجته الى الرحمه والشفقه؟

ألا تدخل هذه الأمور فى نطاق الانسانيه على الأقل ؟

اين الرجل الشرقى الى يعتبر كل البنات اخواته يخاف ويغار عليهم ويحميهم؟

واين الاب الذى يترك ابنته ترتدى كما تشاء ان لم تكن به نخوه الرجل الشرقى؟

أليس به جانب دينى ليمنع ابنته فى سن حرج تحتاج منه النصيحه؟

*****

اذا من السبب فى انعدام المعايير ؟؟

تُرى برأيك لماذا أصبح الرجل الشرقى على هذه الصورة التى نراها الآن فى تخليه عن اهم طباعه؟؟

تخليه عن كثير من مسئوليته ؟؟؟

تخليه عن ملامحه الشرقية ؟؟؟؟

هل هذه الامور فقط تحدث فى البلدان التى تعرضت للاستعمار؟

أم يحدث نتيجة سطوة أجهزة الاعلام ؟

هل التطور التكنولوجى له تأثير فى ذلك؟

ما الخلل الآن فى تنشأة الشباب اللذين هم بناء المستقبل ؟

ولا انكر انه يوجد منهم فئه موجوده محافظه على شرقيتها بعاداتها وتقاليدها

ولكن اصبحوا قله الان

فأنا اتحدث عن ظاهره موجوده وأشاهدها فى المجتمع

أتمنى مشاركة الجميع دون تعصب

اسفه على الاطاله

ياامانى انتى بتتكلمى عن زمان كان هو فى حد زى الصحابه رضى الله عنهم

انا بنت عمى من يومن كانت هتتخطف من جوزها ومهددينه بالمطوه وطلعو يجرو دخلو عماره

وفضلو يستغيثو والله ولا حد عبرهم وطلعلهم وطبعا خدو كل اللى معاهم فلوس والدهب اللى كان

معاها عشان يسبوهم وفى النهار وعينى عينك ولا حد قدر يعمل حاجه وتقولى شهامه ربنا يستر علينا

ممكن يكون فى شهامه بس الخوف باه هو اللى مسيطر علينا

تسلمى ياامانى دايما متميزه بتبوكاتك

حتى لو فى شهامه يا سوسو ملهاش اى لازمه مع الخوف الشهامه مبتعرفش اى حدود ولا قيود

انا معاكى يا امانى انها قلت اليومين دول بل وانعدمت عند كتير من مجتمعنا الحالى بس الواحد يتمنى ان ربنا يصلح حال الامه ويرزقنا العوده الى الزمن الجميل ويخلصنا من الفتن فى هذه الايام

موضوعك شيق بجد يا امانى ومحتاج فعلا لتفعيل طيب انتى عارفه بيتحرق دمى جدا لما اكون ماشى فالشارع والاقى عيل صغير بيسب الدين يا الله منتظرة منه ايه تانى لما يكبر هوا من صغره اصلا معندوش دين ويمكن ده اكتر سبب لخناقاتى فالشارع

فكرتينى بموقف كنت فاسكندريه وبتمشى عالكورنيش انا وصحابى المهم لقيت شويه ولاد مش كبار ماسكين بنتين والا عاوزين يقعدوا معاهم بالعافيه ويكلموهم المهم مسكت الولاد وشديت معاهم مينفعش يا رجاله والوضع المهم الحمد لله بعد مشادات الناس اللى كانو عالكورنيش وقفوا معانا وظبطناهم وبيقولولى انت منين يبنى لما تلاقى حاجه زى دى بالذات لما تكون من بلد غريب متعملش مشاكل انا صعقت بعد ما وقفتوا معايا وجنب الحق تقولو كده بجد الواحد فالزمن ده محتاج يقرب من ربنا جامد ويعتصم بالله من الفتن اللى حوالينا

موضوعك جميل جدااا وممتاز سلمت يداكى

شهم ياحوده طول عمرك هى مسالة مبدأ والله هتتمسك بمبدأ كده انت شهم فتفرط فى مبدأك هتفرط فى حجات كتير انا الاول كنت خجوله جدا جدا بطريقه فظيعه الحمد لله دلوقتى اتجرات كتير لان الحق عينه قويه وطالما انا على حق مخفش من حد ومن راى منكم منكرا فليغيريه ولا ايه

ميرسي ياسمر انت ومودي علي المشاركه