لتطور الطبيعى للرجل..!
بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟
بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟
جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى
لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : هممممممم ..... بكام ؟
لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت !!!
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هو كل سنة ولا ايه !؟
فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى
و هى رايحة للدكتور
بعد 6 اسابيع : حبيبتي قولى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : كل شويه دكتور دكتور دكتوووووووور .. مانتى زى البمب اهو
لما يجيبوا بيبى
المولود الاول : زى القمر .... شبهك مووت يا حبيبتى
التانى : شبه اخوه
المولود التالت : الحمد لله على دول
موضوع: تعالى وشوف التطور الطبيعى للرجل .... 
الأربعاء 2 مارس 2011 - 21:06
