السلام عليكم ورحمة الله وبركاته
ازيكم
النهاردة جايب ليكم معايا حاجه كده ان شاء الله تضحكو منها
واحده عجوزه مكحكحه .. عندها 90 سنه وشويه داخله .. وهى داخله العياده مكتوب على اليافطه << عيادة البروفسير سيد ابو عقده دكتوراه فى الامراض النفساوية .. ماجستير فى فتح المندل وعمل الاحجبه >>
الحوار الذى دار بينهم
البروفسير : اتفضلى اعدى
العجوزه : شكرا
البروفسير: طبعا انتى الانسه << جميله جمال الحلو >> يعنى لازم تتعقدى وتجننى ياكدابه؟
انا ممكن اقول لك نامى على << الشيزلونج >> بس خايف ماتقوميش تانى اصل اللى زيك ديتو نومه واحده .. عموما .. ايه حكايتك ؟
العجوزه : انا من عيله متوسطه عايشه مع اخواتى السته ودادى ومامى وجدو وتيتا فى شقه واحده .. وشاءت ظروفى ارتبط بقصة حب مع حماده زميلى فى الكليه و......
البروفسير: نعم ياختى .. هو زميلك اسمو حماده ؟
العجوزه: اصل المشكله ان دادى قلبو قاسى .. مش عايز يجوزنى قبل ماااختى الكبيره .. مع ان حماده بياخد معاش كويس من التامينات ويقدر يفتح بيت .. !!
البروفسير: << شد فى شعرو >> يفتح بيت !! ده يفتح متحف او يروح يتباع انتيكه .
العجوزه :صدقنى يادكتور .. انا بموت كل يوم من الوحده ولاكتئاب وشهيتى راحت فى ابو بلاش.. ومعدتش باخرج مع البنات صحباتى وخايفه حماده ينحرف او تخطفه واحده تانيه.. !
البروفسير: ياحبة عينى .. يتخطف !!
العجحوزه : يادكتور .. نفسى اعيش زى البنات الا فى سنى .. انا متحطمه نفسيا ومش عارفه اعمل ايه ... !؟
البروفسير: خلاص خلاص .. فهمت العقده .. عيلتك كلها اما تروح مصلحة الجبانات او المتحف الجيولوجى.. وانتى على طول تروحى لهيئة الأثار .. والمحروس حماده ده بقى يشرب له شوية صبغة يود قبل مايودع جمالك الفتاك .
موضوع: العيادة النفساوية....... 
السبت 15 يناير 2011 - 14:07
