اه يا مصر اه يا مصر فى نفسى ليكى حاجه عايز اقولها
اه يا مصر اه يامصر ف حاجه حصلت فيكى نفسى اشيلها
الخوف الصمت الجهل وغيرها وغيرها كل دى حاجات فيكى كان نفسى اقتلها
وحاجات كتير كان نفسى ف يوم اعملها
عزيزة أبيه وجروحك هى جروحى كان نفسى تعلى يامصر ولفوق تروحى
مانمتى الليل بتنوحى كان نفسى تصرخى بلسان شعبك وتبوحى
كان نفسى تقولى مرة واحده لاء كان نفسى تضحكى بدك ما يبكى
كان نفسى نبقى شعب واحد مش كل واحد ف فرقه

ظلموكى حكامك كلهم ظلم نهب سرقه
شريف من حرامى خلاص مبقتش فارقه
ارجوكى يا مصر متبكيش هفضل معاكى مسبكيش مش مهم اموت او اعيش
المهم مشوفش منك دمعه المهم يرجع أمنك المهم مبقاش سامعه صوت صراخ ابنك
المهم تعيشى حرة
من جوه وكمان من بره
تطيرى تعدى حدود المجرة
من امتى وابنك خايف فيكى ؟
طول عمرى فخورة بتحامى بيكى طول عمرى عايش منك ليكى
طول عمرى وانا خايف عليكى طول عمرى وانا مستعد اضحى بعمرى ليكى
طول عمرى وانا مستعد بدمى افديكى
جفت بحور وبارت اراضيكى
بس معنديش دالوقتى غير قولة يارب
طول عمرى فى حالى ماشى على جنب
طول عمرى ساكت وراضى اتهان اتذل واقول عادى
مش فارقه كتير شبرا المعادى
بس المهم تكونى يا مصر عايشه ف سلام
طول عمرى بقول اهى عيشه والسلام
اه يا مصر اه يامصر ضاع النوم والنهار
كفايا يا حاكم كفايا يا ظالم يا جبار
كفايا سرقه ونهب
بالشده مشوكى
يتعاونوا مع اسرائيل مع كل كلب وابنك ضايع تايه ملوشنب
حكموكى بالغش وبكل كدب
وف كل مكان ذل واهابه وفى كل السجون قسوة وضرب
بعد ماكنتى ارض الكنانه
حاكمك حكومته خاينه جبانه
مفيش دوله عربيه معانا
كنت اقول ليه الفلسطينى ف المصرى يضرب ليه المصررى من بلده يهرب
مكنتش عارف ان حاكمك خاين جبان مكنتش اعرف ان ظلمه الوان
مكنتش اعرف ان انه تبع امريكا
يــــــــــــــــــــاااااااااااه
مكنتش اعرف ان نظامك عليكى ومفيش منه نجاه
مكنتش اعرف اننا جزء من الحصار الاسرائيلى
مكنتش اعرف ان اسرائيل بتقول لرئيسنا يا عميلى

من امتى واحنا مالينا الخوف ضاع امننا ونقول ظروف
طول عمرى وانا نفسى احقق حلمى
عارفه ليه يا ابويا وامى علشان ارفع علمك غ كل مكان
علشان المصرى كريم ابى كل عناد
طول عمرى وانا نفسى اتعلم وافيدك
طول عمرى من وانا طفل نفسى اخد بايديك

لما صحيت لقيت نفسى مش فايق
لقيت مصر بتتحرق وكلها حرايق
والحاكم قاعد بارد يالذيذ يارايق
بس حمدت ربى انى عرفت كل الحقايق
كانوا مغفلين الشعب عن كل الحقايق
ومقاصدهم مكنتش بريئه
ومصر ف دموعها غريقه
وف كل قسم مصيبه وحريقه
وحاكم وحكومته حقيرة دنيئه
مصرييين وكلمتنا جريئه عنيده على فكرة انا طول
عمرى ماليش ف السياسه
طول عمرى اشوفها تعاسه
اصل انا فنان وروحى حساسه
طول عمرى اشوف خير واشوف شعبك فقير اقول شئ عجيب
طول عمرى ماتمنيت غيرك
وانتى عليا كتير
طول عمرى من وانا صغير فاكر ان ده قال ايه سلام
لحد ماجه يوم حسيت انى عايز اغير وقلت كفايه كفايه حرام
صحيت اليوم الصبح لقيت كله مظاهرات
ناس كتيرة ماشيه بتصرخ وتقول آهااااااااات
قلتلهم ليه كده قالوا دى مش حياه
قولت لهم يا ناس فهمونى
حكوا لى حكايات
فهمونى وعونى وعليت الاصوات
قالوا مصر ضاعت تاهت ف زحمه الطرقات
واحد قال بقالى ف السجن 5 سنوات
قولته ليه كده احكيلى الاسباب
قالى كفايه بقى كفايه ذل وعذاب
قالى عمرى ماشى ف حالى بحمى بيتى واهلى وعيالى
حزين مهموم وصعبه احوالى
بس كنت راضى راضى بحالى
اتهان اتذل واقول عيالى
اشوف الظلم الرشوه
وان قولت الحق اطرد بقسوة
قلته ليه هى كلمه الحق السبب؟
ضحك وقالى اسمع ده انا شوفت العجب
قضيت ايام وليالى مبقتش عارف رمضان من رجب
بقالى خمس سنين مشفتش عيالى وبيتى ومالى اتنهب
علشان طلبت استقالى واه بيتى اتخرب
قالولى انت انانى انت قليل الدين والادب

قليه ياه دى حاجه صعبه بجد
وانا اسف لانى كنت تايه مش عارف
وبعد شويه عملوا حظر تجول وقطعوا النت والجوال
مبقتش عارف ايه الاحوال
بقيت محتار وحيد
ماشى فى بلدى حاسس انى غريب حزين مهموم مش سعيد
قولت عندهم حق من 30 سنه مفيش جديد
وكل شاب بيتخرج حلم الوظيفه بعيد
كان نفسى مصر تطلع تطير
لحدود التطور والتغير
كان نفسى ف احلام فعلا بسيطه يعنى مثلا ف التعليم
كان نفسى الطالب يكون فاهم مش حافظ وغاشش
كان نفسى كل واحد ميكونش والسلام عايش
كان نفسى يبقى عنده امل بعد التخرج ليه وظيفه
كان نفسى ليه عمل ويعيش حياة نظيفه
كان نفسى كل انسان يعيش حياه شريفه
بقى ده اسمه تعليم بأمارة ايه واحنا الطلاب
حاولنا نذاكر نبص ف الكتاب جالنا صدمه واكتئاب
دى مدارس ولا سجون وابواب
دى مناهج ولا الم وعذاب
كل اهتمامهم حضور وغياب
مش فارقه كتير طب من اداب
والوظايف حلم فوق السحاب
ذاكر وبعدين روح اتعالج
من شكل المذاكرة وشكل المناهج
قالوا حريه ديموقراطيه ليبراليه
وحاجات كتير بنسمعها
كان نفسنا يوم نعلمها
ودالوقتى مش فارقه كتير قالوا حريه
راى وتعبير
صرخناقولنا طلبا التطوير
وان قولنا راينا يقوا عيب بتشتموا الكبير
طب ليه مكنش عنده عيب
طب ليه هنا عليه وهان عليه شعبنا
دالوقتى لازم نفكر بعقلنا
سكتنا كتير وكانت ايه نتيجه صمتنا
خلاص مبقاش غير صوت العقل فاضل لنا
ممكن يا جماعه شويه نلغى قلينا
لازم نبدا بروحنا وتغير نفسنا
عارفين ايه سبب اللى احنا فيه بنفكر بعواطفنا
عارفين ايه سبب سكوتنا اكيد خوفنا
نتهان نتذل ونقول ظروفنا
عايزين صراحه وجراه وحريه
عايزين نرجع لدنيا وامتنا العربيه
عايزين مصر دايما أبيه
عايزين اللى كانت هى ام الدنيا



المصدر الاصلى منتدى المزاريطه
shiraz

اه يا مصر اه يا مصر فى نفسى ليكى حاجه عايز اقولها
اه يا مصر اه يامصر ف حاجه حصلت فيكى نفسى اشيلها
الخوف الصمت الجهل وغيرها وغيرها كل دى حاجات فيكى كان نفسى اقتلها
وحاجات كتير كان نفسى ف يوم اعملها
عزيزة أبيه وجروحك هى جروحى كان نفسى تعلى يامصر ولفوق تروحى
مانمتى الليل بتنوحى كان نفسى تصرخى بلسان شعبك وتبوحى
كان نفسى تقولى مرة واحده لاء كان نفسى تضحكى بدك ما يبكى
كان نفسى نبقى شعب واحد مش كل واحد ف فرقه





ميرسي يا همسة علي الموضوع

ميرسى لمرورك يا اسراء