هههههههههههههههههههههه انا متورطه بجد وربنا انت بتخم يامحمد ومش عادل المفروض يكون ولد المرادى

وكمان بتوصيهم عليا ماااااااااااااااااااااشى

بس هطلع جدعه واجاوب وهبطك استنى عليا مردودالك

اول سؤال انتى اسمك ايه بالكامل من اول اسمك لحد اخر جد ولقب عيلتك ايه ؟؟

( سمر ابراهيم على محمد نافع )

السؤال التانى انتى فعلا عند 27 سنة ولا دا بس عمر حطاه فى النت وبس وهل انتى اكبر او اصغر من كدا ؟؟؟

والله بجد تاريخ ميلادى ... 21/4/1983

السؤال التالت ايه اكتر موقف حلو اتعرضتى ليه فى حياتك وفى نفس الوقت احرجك بس انتى حبيتى الموقف دا ؟؟؟

بص هما كتيرررررررررررر ومن ضمنهم موقفك لما كنت فاكراك بنت هههههههههههههه ضحكه صفره

السؤال الرابع ايه اكتر موقف سئ اتعرضتى ليه وكان فيه احراج برده ليكى ؟؟

برضه كتيررررررررررررر بس فى مره اختى كانت عامله مهلبيه بس كانت جامده شويه وجه خطيبها فعيب عليها

فانا حبيت اتلامض واتريق عليها انا كمان فمسكت الطبق هههههههههه وبقول لصنع الصين ولا صنع اليبان ده صنع

ايدينه ومبيتقلبش وهب الطبق اتدلق هههههههههههههههههه اتكسفت كسفه ههههههههههههههههه

السؤال الخامس انتى بتشوفى نفسك ازاى يعنى لو جبتلك ورقة وقلم هتوصفى شخصك ازاى ؟؟

انا مقدرش اقيم نفسى اللى يعرفنى كويس هو اللى يقدر يقول انا ايه

بس انا طبيعيه جدا وبسيطه جدا الحمد لله متدينه بحب الهدوء اوى والدوشه احيانا لما يكون فى مناسبه

عاقله الحمد لله بس انا مش شايفه كده خالص دايما بشوف نفسى عيله معرفش ليه

الحمد لله عندى شخصيتى

السؤال السادس هل حبيتى قبل كدا ؟؟؟ ولحد الان كام عريس اتقدملك ولو اتقدملك اكتر من عريس ايه اكتر حاجه كانت بتخليكى ترفضى الارتباط غير الاسباب بتاعت اكمل دراستى ومفيش نصيب انا عايز اسباب واضحة ؟؟؟

اولا عمرى مفكرت احب خالص اصلا مسمعتش عنه غير لما دخلت عاااااااااااالم النت ههههههههه

كام عريس على فكره السؤال مش محرج ولا حاجه وهجاوب بس استنى اعدهم حوالى بجد مش فاكره كام ياحماده اصل انا من زمان اوى

هفتكر ايه ولا ايه بس فى الفتره الاخيره لغاية سنه فاتت كانو 11 تقريبا قبل كده مش فاكره

والله مش دايما انا اللى كنت برفض هو بيبقى فى قبول وكده بس معرفش ايه اللى بيحصل يمكن مبعجبهومش ولا يكونو مبيشفوش كويس

الله اعلم وفى الاول والاخر ارادة ربنا والقسمه والنصيب

السؤال السابع اتعاكستى كام مرة فى الشارع وايه نظام لبسك يعنى جيبات وبلزات ولابناطيل وتيشرتات وبتلبسى خمار ولا حجاب عادى ؟؟؟

انا لبست كل ده وانا صغيره بناطيل وتشيرتات لغاية مخلصت الابتدائى فى الاعدادى جيبات وبلوزات حتى الان وفاستين

عبيات على فكره انا لبسى متدين اوى وشيك جدا الحمد لله لبست الخمار فى الاعداديه بس بعد كده الحجاب العادى لغاية دلوقتى

السؤال التامن حسيتى بالظلم قبل كدا ؟؟؟ وهل فى مرة من الاحيان كذبتى على باباكى اومامتك لسبب معين ولو حصل ياريت تذكريلنا السبب ؟؟؟

اكيد طبعا حسيت بالظلم ..... انا مبحبش الكدب ابدا ابدا ودى حاجه بابا غرزها فينا من واحنا صغيرين كان دايما يقولى الا الكدب

وميقلش ليه يقول الا الكدب وخلاص لما كبرنا باه عرفنا عمرى مكدبت عليهم بخاف من مجرد التفكير فى الكدب

انا ممكن اقول حاجه محصلتش عشان انقز بيها موقف بس مش اكتر وده نادر لما بيحصل

السؤال التاسع نفسك فى ايه حاليا اكتر حاجه ؟؟؟ ولو حصل يعنى انه ملك الموت خيرك بين الحياة والموت هتختارى ايه مع ذكر سبب الاختيار ؟؟؟

نفسى اكتر حاجه دلوقتى تحصل بجد انى اشوف اختى وولادها قدامى

لو خيرونى هختار الحياه هقوله استنى شويه عشان مش عارفه هقابل ربنا اقوله ايه لانى مهما عملت هكون مقصره فى حقه

وفى الفتره دى هتقرب من ربنا اكتر والله الحمد لله انا ملتزمه جدا بس زى مقلت مهما عملت مش هوفى حقه وربنا يهدينا جميعا يارب

السؤال العاشر مين اكتر واحد فى المنتدى عزيز عليكى ومين اكتر حد نفسك تكونى زيه ؟؟؟؟ مع ذكر السبب برده

هههههههههههههههههه بجد والله العظيم كلكو غالين عندى وعزاز جدا عليا

بص هو كل واحد لازم يكون نفسه بس انا بجد بستفيد من كل واحد هنا بيشارك بتوبيك او رد

بس خلاص هسيبك تجاوبى ولما تخلصى بقى يكون فكرت فى اسئلة تانية الله يعينك بقى

والله ما جصرت ياخوى ههههههههههه

اسئلتك لزيزه اوى اوى هاااااااااااا هقتلك يامحمد بس اطولك ههههههههههههههههه

بجد باه انا مستعده لاى اسئله واى حد عايز يعرف عنى اى حاجه وحابب يتعرف عليا اكتر انا فى الخدمه

وربنا شاهد عليا انى كنت ومازلت ودائما وابدا صريحه جدا جدا

السؤال الاول ايه اكلتك المفضلة؟
السؤال التاني انتي رومانسية ولا لا؟
السؤال الثالث بصراحة انتي نفسك تجوزي ولا راضية ان ده شئ ونصيب بمعني الموضوع ده مش شاغل تفكيرك يعني؟
الشؤال الرابع ممكن تحبي من علي النت؟
السؤال الخامس عمر قلبك ما ارتاح لحد واتمنتي انه يحبك؟
السؤال السادس ايه اكتر حاجة بتتمني انها تحققلك في اقرب وقت ممكن؟
السؤال السابع لو عريس اتقدملك وكان عنده مثلا 40 سنة توافقي ولا هترفضي وايه السبب؟
السؤال الثامن لو حبتي حد بصراحة ممكن تعترفي له بحبك ده مهما كان هيكون شكلك ايه قصداه؟
الشؤال التاسع انا اكون بالنسبة لك ايه بصراحة ؟
السؤل العاشربتحبي صداقة البنات ولا الولاد اكتر؟
وكفاية كدة ولو افتكرت اي حاجة هسالهالك يا قمر

ميرسي ليكي ويارب مكونش تقلت عليكي في الاسئلة

تسيلم ايدك على الاجابة ياسوسو وان شاء الله لما افتكر اى حاجه تانية

1. أتهتمين كثيراً برأي الآخرين ..؟

2. أتؤمنين بالقضاء والقدر ..؟

3. هل توافقين الزواج التقليدي؟ ولماذا ..؟

4. بتحسى بالملل.. ولو اه بسبب ايه ..؟

5. ندمتى على قرار أتخذتيه قبل كدا ..؟

6. بتحسى انك مظلومه فى بعض الحالات ولا ظالمه ..؟

7. ايه اللى ناقصك فى حياتك..؟

8. فى عضو مزهقك فى المنتدى ..؟

9. ايه الصفه اللى الناس بتطلقها عليكى ..؟

10. هل غلطتي غلطه ومحدش عرف عنها من اهلك وتخافين منها لحد الان ..؟

عارفه اني تقلت عليكي بس اذا اي سؤال مش عجبك لا تردين عليه ..

عاشق الصمت كتب:

تسيلم ايدك على الاجابة ياسوسو وان شاء الله لما افتكر اى حاجه تانية

هههههههههههههههههههه هتفتكر ايه اكتر من كده يارب تفقد الزاكره هههههههههههههههههه

ولا يهمنى متظره اسالتك

1. أتهتمين كثيراً برأي الآخرين ..؟ اكيد طبعا وجدا اوى كمان

2. أتؤمنين بالقضاء والقدر ..؟ اها اوى اوى

3. هل توافقين الزواج التقليدي؟ ولماذا ..؟ طبعا اوافق هقولك ليه لانه من وجهة نظرى اضمن من انى اتعلق بواحد وفى الاخر يسيبنى

4. بتحسى بالملل.. ولو اه بسبب ايه ..؟ كتيرررررررررررر السبب قاعدة البيت طبعا

5. ندمتى على قرار أتخذتيه قبل كدا ..؟ اه كتيرررررررر بس الندم العادى اللى هو يارتنى كنت عملت كزا او اتصرفت كده بس

6. بتحسى انك مظلومه فى بعض الحالات ولا ظالمه ..؟ حسيت بالظلم اكيد وببقى ظالمه لو اسات الظن فى حد كويس وده نادر لما بيحصل

7. ايه اللى ناقصك فى حياتك..؟ كتيرررررر ناقصنى لمت اسرتى زى زماااااااان دى اكتر حاجه بحسن انها نقصانى

8. فى عضو مزهقك فى المنتدى ..؟ تؤتؤ خالص الحمد لله كلكم مشاء الله عليكم

9. ايه الصفه اللى الناس بتطلقها عليكى ..؟ بصراحه معرفش تقريبا طبتى دايما يقولولى سوسو انتى طيبه وحنينه اوى معرفش ليه برضه ؟؟

10. هل غلطتي غلطه ومحدش عرف عنها من اهلك وتخافين منها لحد الان ..؟ لاء الحمد لله لانى متعودتش اخبى حاجه عليهم

عارفه اني تقلت عليكي بس اذا اي سؤال مش عجبك لا تردين عليه ..

عاتى عاتى ياملاك كلكم بتقولو كده ههههههههههههههههههههه

بجد سعيده بيكم وباسالتكم بس يارب تكون اجابتى بتوفى الغرض

ميرسى ياملاك

ازيك ياسمر ايه اللى وقعك الوقعه دى ربنا يعنك عليها
1:انتى بتحيبى الصراحه ومش مهم زعل حد منك طلما بتقولى الصراحه ولا بتجملى وتقولى ليه اديق حد
2: بتغير من مين وايه سبب الغيره
3:لو ماشى فى الشارع واحد عكسك واديقت منه تنفضى وتمشى ولا تردى عليه وتطرقعيله بابو ورده
4: حبيتى قبل كده ولا لاء ولو حبيتى الحب مكمليشى ليه
5:ايه رايك فى الكدب بينجى صحيح ولا برضوه كدب وهايبان الحقيقه فى الاخر
6: ايه هاتعملى دلوقتى لو انا جيت خد منك الموبايل والكمبيوتر هاتقوليلى على سلامتك ولا السيكنه والعاصى هايقومو بالواجب
7: انتى بتخافى من مين وليه وزعله يهمكا
8: ايه رايك فى الحب من النت ممكن يبقى حقيقى ويطلع لنور ولا كلام وخلاص
9: لو اتقدملك عريس عنده 45 سنه وجاهز ومريش شايلهن تحت البلطه ياعنى وواحد تانى عنده 30 ومعدهوش غير انه بيحبك تخترى الحب ووجع القلب والتعب وربنا معنا ولا المتريش ومش مهم سنه اللى عنده احسن منه
10: مين اقرب عضو ليكى فى المنتدى وبصراحه ومنغير مجمله
ههههههههه كفايه عليكى كده عينا تعبانى لما تخف اجيلك تانى وربنا يعنك على الوقعه دى هههههههههههههه

ازيك ياسمر ايه اللى وقعك الوقعه دى ربنا يعنك عليها

الله يسلمك يانور محمد هو اللى ورطنى بس هيروح منى فين

1:انتى بتحيبى الصراحه ومش مهم زعل حد منك طلما بتقولى الصراحه ولا بتجملى وتقولى ليه اديق حد
طبعا بحب الصراحه بس لازم اراعى شعور اللى قدامى بس طبعا مش هجامل فى حاجه تضره مهما حصل

2: بتغير من مين وايه سبب الغيره
اغير ؟ مفتكرش انى اغير بس بتبقى امنيه مش اكتر السبب انى عايزه اكون احسن مثلا

3:لو ماشى فى الشارع واحد عكسك واديقت منه تنفضى وتمشى ولا تردى عليه وتطرقعيله بابو ورده
هههههههههههه هههههههههههه ههههههههههههه مش قادره امسك نفسى من الضحك بجد
انا فى العادى بمشى مش بهتم ده لو اتعكست اصلا ههههههههه

4: حبيتى قبل كده ولا لاء ولو حبيتى الحب مكمليشى ليه
عمرى محبيت ولا حتى فكرت انى احب

5:ايه رايك فى الكدب بينجى صحيح ولا برضوه كدب وهايبان الحقيقه فى الاخر
بص هو مش دايما الكدب هو اللى بينجى بس فى مواقف فى حياتنا بتحتاج ملاطفه شويه
عشان الامور تمشى كويس

6: ايه هاتعملى دلوقتى لو انا جيت خد منك الموبايل والكمبيوتر هاتقوليلى على سلامتك ولا السيكنه والعاصى هايقومو بالواجب
ههههههههه عن نفسى مش هعملك حاجه ابدا لو اخدت جوالى لان ده اللى املكه انما اللاب
مش بتاعى انت حر باه انت واخواتى الولاد وساعتها طبعا ولا اعرفك يامعلم ههههههههههه

7: انتى بتخافى من مين وليه وزعله يهمكا
كتيررررررررر اوى يهمونى ومقدرش ازعلهم وبخاف على زعلهم اوى واولهم بابا وماما
ولو فى حد من اللى يهمونى زعلنى باخد على خاطرى منهم بس مش ممكن ازعل منهم

8: ايه رايك فى الحب من النت ممكن يبقى حقيقى ويطلع لنور ولا كلام وخلاص
والله ممكن اوى ليه لاء تعددت الاسباب والحب واحد
طالما فى مصداقيه وشفافيه بينهم من الاول وكمان يكونو مناسبين لبعض
وفى الاول والاخر اللى ربنا عايزه هو اللى بيكون

9: لو اتقدملك عريس عنده 45 سنه وجاهز ومريش شايلهن تحت البلطه ياعنى وواحد تانى عنده 30 ومعدهوش غير انه بيحبك تخترى الحب ووجع القلب والتعب وربنا معنا ولا المتريش ومش مهم سنه اللى عنده احسن منه
جالى قبل كده ابو 45 ورفضت هختار طبعا الحب ووجع القلب ههههههههههه عايزه اجربه من نفسى
والحياه كفاح صح ولا ايه

10: مين اقرب عضو ليكى فى المنتدى وبصراحه ومنغير مجمله
هما اتنين وعارفين نفسهم وطبعا كلنا اسره واحده هنا بس دول اللى بقدر اتواصل معاهم على الاميل

ههههههههه كفايه عليكى كده عينا تعبانى لما تخف اجيلك تانى وربنا يعنك على الوقعه دى هههههههههههههه

كل ده وعينك وجعاك امال لو سليمه كنت هتعمل ايه هههههههههههههههه
سلامة عينك ياقمر ميرسى لمشاركتك يانور

سؤال لو انتى حابة تقنعى حد بشخصيتك ممكن تعملى ايه عشان يقتنع بشخصيتك ؟؟

لو انتى بتحبى مثلا نفترض وصارحتى حبيبك وقلك مثلا انا لسة معرفكيش كويس او خلينا اصدقاء لفترة مؤقتة هتفضلى تحبيه وتحاولى تثبتى دا ولا لا ولو حبيتى تثبتيله حبك هتعملى ايه ؟

هل فى حب من اول نظرة وهل بتؤمنى بيه ولو فى حب من اول نظرة هو بيبقى ناتج عن ايه ؟؟

انتى من كلامك عرفت ان عمرك ماحبيتى بس هل عمرك مااعجبتى بشب ولو اعجبتى بشب كان ايه سبب الاعجاب دا وليه محاولتيش تحبيه ؟



تخيلى كدا اتحطيتى فى موقف زى دا هتعملى ايه لو حبيبك الى كنتوا بتحبوا بعض فى يوم من الايام وبعدين انفصتوا وبعد سنة او زمن معين من الانفصال دا هو راح يتقدم لواحدة الواحدة دى طلعت اختك وبتحبه ممكن تعملى ايه ساعتها ؟؟


لو حد من اصحابك معوق اعاقة بسيطة مثبلا مش بيعرف يتكلم كويس او مثلا عنده اختلال بسيط فى تفكيره بس هو كويس وكل حاجه وجه قلكل بحبك ممكن تصدقيه ولو صدقتيه وطلب منك الارتباط ممكن ترتبطى بيه ولو ارتبطى بيه مش هتخافى ولادك يطلع فيهم نفس الاعاقة ؟؟



ايه اكتر حاجه بتخوفك فى زمنا دا وعامللها حساب اوى عشان لو حصلت ؟؟


مش هطول عليكى بقى ومش عايز اتقل عليكى فى الاسئلة واوعدك لينا لقاء تانى ان شاء الله مع السلامة هههههه

ايه اكتر موقف زعلك في حياتك كلها وعمرك وا هتقدري تنسيه؟

سؤال لو انتى حابة تقنعى حد بشخصيتك ممكن تعملى ايه عشان يقتنع بشخصيتك ؟؟
من خلال كلامنا مع بعض ومناقشتنا فى بعض الامور

لو انتى بتحبى مثلا نفترض وصارحتى حبيبك وقلك مثلا انا لسة معرفكيش كويس او خلينا اصدقاء لفترة مؤقتة هتفضلى تحبيه وتحاولى تثبتى دا ولا لا ولو حبيتى تثبتيله حبك هتعملى ايه ؟
اسئلة الحب دى صعبه اوى انا بجاوب عليها من خلال اللى بعرفه وبشوفه
لو قالى خلينا اصدقاء هيبقى الحب ده من طرف واحد يعنى من خيالى انا وبكده هبقى احرجت نفسى
وهحاول انسى
لو حصل وفضلت احبه وعايزه اثبتله حبى هقف جمبه واسانده دايما لحد لما يحس ويفهم هههههههههه

هل فى حب من اول نظرة وهل بتؤمنى بيه ولو فى حب من اول نظرة هو بيبقى ناتج عن ايه ؟؟
تانى امرى الى الله هو مش حب هو بيبقى اعجاب وانجزاب ولو حظى حلو وكان بيدور على عروسه
هيسال عنى هههههههههههه لو مؤمنه بيه النتيجه هتكون الجواز طبعا هههههههههه بدبسه

انتى من كلامك عرفت ان عمرك ماحبيتى بس هل عمرك مااعجبتى بشب ولو اعجبتى بشب كان ايه سبب الاعجاب دا وليه محاولتيش تحبيه ؟
الاجابه على كل ده التربيه اللى اتربتها دايما فى حدود وكمان انا مفكرتش فى الموضوع ده

تخيلى كدا اتحطيتى فى موقف زى دا هتعملى ايه لو حبيبك الى كنتوا بتحبوا بعض فى يوم من الايام وبعدين انفصتوا وبعد سنة او زمن معين من الانفصال دا هو راح يتقدم لواحدة الواحدة دى طلعت اختك وبتحبه ممكن تعملى ايه ساعتها ؟؟
معرفش بس لو هو حد كويس هسكت طبعا هلتزم الصمت لان سعادة اختى تهمنى


لو حد من اصحابك معوق اعاقة بسيطة مثبلا مش بيعرف يتكلم كويس او مثلا عنده اختلال بسيط فى تفكيره بس هو كويس وكل حاجه وجه قلكل بحبك ممكن تصدقيه ولو صدقتيه وطلب منك الارتباط ممكن ترتبطى بيه ولو ارتبطى بيه مش هتخافى ولادك يطلع فيهم نفس الاعاقة ؟؟
اكيد هعمل حساب لكل ده وبجد مش عارفه اعمل ايه غير انى استخير ربنا

ايه اكتر حاجه بتخوفك فى زمنا دا وعامللها حساب اوى عشان لو حصلت ؟؟
بكره بخاف منه اوى اوى اوى لان مضمنش ايه اللى هيحصل فيه

مش هطول عليكى بقى ومش عايز اتقل عليكى فى الاسئلة واوعدك لينا لقاء تانى ان شاء الله مع السلامة هههههه

هههههههههههههههههه والنبى ايه شرفت ياخويا

على فكره يامحمد انا ليا الحق بعد اسبوعى ميخلص انى انا اللى اختار مين هيطورط مكانى

وجهز نفسك لليوم ده

ايه اكتر موقف زعلك في حياتك كلها وعمرك وا هتقدري تنسيه؟

انتى عايزه تنكدى عليا ولا ايه

هما مواقف كتير اوى بس هقولك على موقف بجد مش قادره انساه

انا كنت متدايقه جدا جدا فى يوم وخدت تسنيم بنت اختى واطلعت اتمشى شويه هى اللى كانت بقيالى اخوتى كانو خلاص اتجوزو وكان معايا الجوال وهى كانت بتحاول تخفف عنى وتسالنى مالك ياخالتو وانا اقولها مفيش اسكتى المهم قالتلى هاتى التليفون امسكه ادتهولها وهى ماشيه مسكاه من السلسله اللى كانت فيه وعماله تمرجحوه رجعنا البيت باخد الجوال منها لقيته مفتوح وكل حاجه فيه مش موجوده فيه
لابطاريه ولا كارت ولا غطا اتديقت جدا جدا وشخط فيها وضربتها بالقلم ياااااااااااااااااااااا
والله العظيم لغاية النهارده مش قادره انسى بصتها بصت احساس بالظلم فظيع
وتتاسفلى وتعيط وتقولى معلش ياخالتو والله مقصد كان عندها خمس سنين دلوقتى هى سته
ومن يومها مش قادره اسامح نفسى على اللى حصل منى فى حقها وطبعا كفرت عن اللى عملته خرجتها وفسحتها واتاسفتلها وقلت ياريت ايدى اتقطعت قبل ماامدها عليها بجد الموقف ده ماثر فيا اوى اوى
ربنا يسامحنى باه ويرجعهالى بالف سلامه هى واخواتها يارب يارب

ويسامحك ياايمى قلبتى عليا المواجع
ميرسى ياقمر على سؤالك

سمر ازيك انتى لسه متورطه ياحرام طووووووووووووويب
1: دلوقتى لو الباب خبط وفتحتى لقيتى محمد اللى مورطك هنا هاتعملى ايه هاتقوليله اتفضل ولا هاتجيبى العيال اللى فى الشارع وامسك ياعم بالطوب
2:ايه رايك فى البنات اليومين دول والشباب اللى هما لسه مكملوش عشرين
3: نفسك فى ايه تحقيقه فى حياتك لسه محصلش
4: لو تفاجئت بخيانه شخص عزيز ايا كان كيف تتصرف معه ؟
كفايه عليكى بقى هو افترى ولا ايه

سمر ازيك انتى لسه متورطه ياحرام طووووووووووووويب
الله يسلمك اه لسه متورطه

1: دلوقتى لو الباب خبط وفتحتى لقيتى محمد اللى مورطك هنا هاتعملى ايه هاتقوليله اتفضل ولا هاتجيبى العيال اللى فى الشارع وامسك ياعم بالطوب
ياسلام ياسلام بس اشوفه بس هكرمه اخر كرم والله دانا شرقاويه

2:ايه رايك فى البنات اليومين دول والشباب اللى هما لسه مكملوش عشرين
من المناظر اللى بشوفها فى الشارع وبسمع عنها ربنا يهديهم يارب
مستهترين جدا جدا مش زى على ايامنا

3: نفسك فى ايه تحقيقه فى حياتك لسه محصلش
كتير بتمنى حجات كتير تتحقق بس اهم حاجه اشوف اختى وولادها

4: لو تفاجئت بخيانه شخص عزيز ايا كان كيف تتصرف معه ؟
اصعب حاجه الخيانه ولو حصل هقاطعه الى الابد

كفايه عليكى بقى هو افترى ولا ايه

قولو لنفسكو اه والله افترى بس خدو راحتكو انهارده واحتمال بكره عشان بعد كده

مش هفضالكو اعزرونى باه

ميرسى يانور اسئلتك لزيزه جدا

معلشي انا اسفة

برده مجاوبتنيش انتى اعجبتى بشاب قبل كدا ولا لا

على فكرة سؤال نور بتاع الشباب الى عشرين سنة وانتى رديتى عليه انهم مستهترين حبيت اقلك انى هكمل عشرين سنة لسة فى شهر اتنين الى جاى

يامحمد انا عمرى ما اعجبت بحد لانى اصلا مبشوفش حد لانى نادر لما بخرج من البيت

ولو خرجت مببصش لحد طبعى كده بركز فى الطريق وخلاص كمان بستحرم انى ابص على حد

سواء ولد او بنت انا فى حالى مليش دعوه باى حد

وسورى والله مقصد ان كلهم مستهترين اسفه انى مكملش الاجابه

بس الاغلبيه كده ولا ايه سواء بنات او ولاد معندهمش احساس بالمسؤليه

وانت لسه مكملتش عشرين تكلملهم على خير ويارب عقبال مليون سنه

ووالله بجد مش بجامل انت مثال جيد للشباب اللى فى سنك واسفه تانى مره انى مكملتش اجابتى

ان مش كلهم كده

محمد يمكن مقدرش ادخل الفتره اللى جايه عشان بابا جاى بكره من السفر وهنشغل بيه

فاعزرونى لو اتاخرت على الرد فى الاسئله

هتوحشونى

اوك عادى ياسوسو يرجعلكم بالسلامة وترجعيلنا بالسلامة وعلى العموم بكرة هيقفل الموضوع بتاعك عشان هيبقى مر عليه اسبوع

يغلق الموضوع وان شاء الله يكون لنا لقاء تانى بسوسو وسيتم اختيار عضو جديد غدا