ما ألومك عالخيانه ماهو مستغرب عليك
لأن حبك كان زيف واصدق احساسك قذر
ولا أقول انك ذبحت القلب واشواقه بيديك
ولا أبي لك قول كلمه بعد فعلك!!تعتذر!!
انت قصدك اني ابكي؟؟ لا ترى بدري عليك
دمع عيني ما تحدر لأجل من يبدي غدر
حسبي الله في جروحي وحسيب الله عليك
هو حسيبي في هموم اهلكتني بالقهر
كل ذنبي كنت وافي واهدي افراحي اليك
وكان حلمي لو تكون انت الحبيب المنتظر
آه من قلب قهرني من كثر شوقه عليك
بس هو اللي رماني من صعود لمنحدر
والقهر اني احبك لو تبيع وأشتريك
آآآه كيف تهنى وانت تسقيني غدر
قلتلك ما هو نصيبك يا فؤادي أرتجيلك
أتركه خله يروح لا تدور له عذر
اتركه كذاب خاين لا يحبك ولايبيك
ولا يحس بقول احبك أو بصفحك يعتبر
لو تسامح ما يقدًر راح يشرك لك شريك
لو تسامح راح يرجع ويسقي لقلبك قهر
والسموحه يا فؤادي طلبن منك ارتجيك
وادري انه في حروقك ما يكفي لك عذر!!
الى كل خائن..وخائنه..