السلام عليكم ورحمة الله وبركاته



موضوع مهم كتير هو تاثرنا بالناس فى اى عمل بنعمله وكاننا بيهمنا راى الناس فى كل شئ وبننسى دايما ان اى شئ بنعمله فى حياتنا لازم تكون نيته موجهة لله

يعنى مثلا اذا الواحد كان بيعطف على فقير وبعدين يلاقى الفقير ده شخص مش كويس يقوم يبطل يعطف عليه

دايما بيهمنا الناس الواحد لما يشتغل ويجى فى شغله ميتقنش عمله يقول مهو على اد فلوسهم

طب انت وافقت انك تشتغل عندهم ليه؟؟

حتى الفساد يقولك مهى الدنيا كلها بتاخد رشوة اشمعنى انا؟؟؟؟؟؟؟


وممكن راى الناس يخليك تغير من نفسك رغم انك ماشى صح


اذا انت طيب والناس اتهمتك انك انانى خليك برضه طيب

وانت ناجح هتلاقى اعداء كتير اووى بتحارب نجاحك برضه استمر على نجاحك وسيبك منهم

لو انت امين ومخلص هتلاقى ناس تتهمك بالخيانة خليك امين وسيبك منهم

اذا فضلت سنين بتحاول تخترع او تبتكر فكرة والناس حاولوا يعطلوك ويدمروا فكرتك سيبك منهم وخليك مبدع برضه ومتبطلش ابداع افضل ابتكر علطول

اذا وجدت الحب والسعادة خد بالك ناس كتير هتغير منك خليك سعيد دايما ومتخليهمومش بتصرفاتهم ينكدوا عليك او يحرموك من السعادة
امثلة كتييييييييييييييييرة جداااااااااااااااااااااااااااااااااااااااااااااا

فى النهاية لازم تعرف حاجة مهمة جدااااااا

( ان الله لا يضيع اجر من احسن عملا )

يعنى خلى نيتك لله واللى هتعمله النهاردة اذا كان البشر هينسوه فان الله لا ينسى وهيجازيك خير على اللى انت عملته

لانك اذا سعيت ورا ارضاء الناس عمرك ابدا مهتقدر ترضيهم


يعنى اذا انت شخص كويس والناس كلها من حواليك وحشة خليك كويس

ومتقولش انا هبقى لوحدى

لان فى النهاية انت هتقابل ربنا لوحدك هتقوله ايه؟؟؟

مهو كل واحد ليه حساب عند ربنا


اذن كل شئ بينك وبين الله وليس بينك وبين الناس