وانا اولكم وهبدأ انا متعرفتش على المنتدى المنتدى هو الى اتعرف عليا هههههه وطبعا اكيد اعجب بيا وحبنى وانا كمان اعجبت بيه وحبيته فكرة المنتدى جاتلى ازاى بقى انا كنت فى يوم من الايام بكلم صديقة على الميل قامت قالتلى انا عملت منتدى قلتلها مبروك عملتيه ازواى قالتلى الطريقة الى بيتعمل بيها المنتدى ففكرت مع نفسى ليه ميكونش ليا منتدى لواحدى فجيت فى يوم عملت المنتدى كان الاول اسمه منتديات الريم ودا السبب انه الرابط بتاعه remiat المهم وبعد كدا بدأت ابنى فيه واحدة واحدة انا وصديقة ليا اسمها انجل فى المنتدى بس مبقتش تدخل مش عارف ليه المهم ان شاء الله تكون بخير بدأنا المنتدى واحدة واحد بأقسام قليلة وبدأنا كل مدى ندعى ناس ونكتب مواضيع ونكبر فيه لحد مابقى زى مانتوا شايفين كدا طبعا استايل المنتدى مكنش كدا لاول خالص والى معانا من بدرى اكيد هو الى حاسس بتطور المنتدى لانى كل مدى كنت بصممله استايلات لحد ماثبتت على الاستايل دا ويارب يكون عجبكم ونفضل مع بعض على طول ويكبر اكتر واكتر
انا والله دخلت المنتدي ده بالصدفه وكانت اجمل صدفه في حياتي يمكن في الاول كنت مستغرباه شويه بس دلوقتي ومبيعديش يوم من غير ما ادخل وبحس بجد اني في وسط اسرتي واخواتي واللي عرفني علي المنتدي ده سمر طبعا وانا بشكرها والله انها خلتني اتعرف علي احلي منتدي واحلي اصحاب في الدنيا كلها ومن يوم ما عرفتني عليه لحد دلوقتي وانا خلاص مقدرش ابعد ولا استغني عنه لانه بيتي وبعتبر كل الاعضاء الحلوين اللي فيه اخواتي واكتر
ربنا يديم المحبه بينا ونفضل في ازدياد علي طول يارب ونخلي منتدانا اجمل منتدي في الدنيا كلها
انا هاحكيلكو ازاى عرفت المنتدى هنا واشتركت فيه او بمعنى اصح لقيتنى فجاة مزاريطيه ههههههههههههه فى يوم لقيت سمسمتى باعته لى اوف لاين تقولى انها اشتركتلى فى منتدى اسمه المزاريطه باسم المهندسة وباس وورد كذا كذا طبعا الكبير قال اشترك يبقى لازم اشترك اومال ايه دى سمسمتى دى حبيبتى جي\ت اجرب ادخل كتبت الباس ورد مقلوب ههههههههههههه كان ايامها بامتحن اعمال سنه وامتحانات مالهاش داعى كده كالعاده فى الكليه الجميله دى ههههه طبعا استنيت لما اتكلمنا ودخلت المزاريطه تاتا تاتا هههههه كانى كنت باتعلم لسه وكان اول منتدى اشترك فيه بعد منتدى الكليه والمنتدى الوحيد عندى اللى باحط فيه مواضيع وبقيت مشرفه فيه ودى حاجه اسعدتنى جدا بس مشرفه نص نص طول السنه مشغوله حاجه تضايق والله ههههههههه بجد والله انا مبسوطه جدا بمفاجاة سمسمتى انها ضافتنى لاسرة المزاريطه بجد اسرة جميله جدا وانا فعلا مبسوطه معاكو اوى اوى هنا ميرسى ليكو كلكو بجد ويارب يدوم الحب والاخوه بينا كللللللللللنا اللهم آآآآآآمين تحياتى للكل ...
موضوع: صدفه حلوه خالتنى معاكو 
السبت 6 نوفمبر 2010 - 21:49
